Кешеләргә картлык килгән чакта,
Авылларга уза кагылып
Нигә дисәң, зират капкалары
Бик еш тора ачылып-ябылып
Җир җимертеп эшләп йөргәннәрнең
Тормышлары хәйран аксаган
Үзем өчен яшим дигәннәрнең ,
Исәнлеге бик нык какшаган...
Тормыш көтүчеләр сирәгәя,
Менә шунысы бигрәк аяныч!
Ә авылда яшәү шарты әйбәт,
Шәһәр түгел, күпкә бик тыныч!
Эчәр суы- чишмә булмаса да,
Ярый инде, сатып алмыйсың
Һаваларны пычраталар пычратуын,
Гаеплене эзләп бармыйсың...
Авыл- хәзер элекке кебек түгел,
Кул хезмәтен күптән кулланмый
Кешесе дә кырга чыгып алай ,
Чалгы- сәнәк артык болгамый
Яшьләр калмый, парлар сирәгәя
Беръялгызы торып калалар
Күз алдында күпме авыллар бит
Акрын юкка чыгып баралар!
Авыл язмышлары шулай итеп,
Тарих битләренә языла
Йөрәк әрни, зират капкалары
Бик еш кына ачыла- ябыла!!!
Рушания Ахмадуллина
Присоединяйтесь к ОК, чтобы посмотреть больше фото, видео и найти новых друзей.
Нет комментариев