Та книга поттэмын Йӧскалык прессалэн юртэзлэн «Лыдӟы удмуртсэ» проектэз улсын. Пумиськон шуныт мылкыдын ортчиз.
🖋Мая Державина пичи дыръяз Сагитова фамилиен гожъяськылэмын, мылысь-кыдысь пыриськылэмын ёросысьтызы «Ошмес син» литературая огазеяськонэ. Усо школаын дышетскыкуз, Маялы бордгазет лэсьтыны оскылӥзы.
📖Улон сюресэз сое пӧртэм удысъёсын герӟаз ке но, инкуазен сётэм быгатонлыкъёсыз ас сюрессэс шедьтӥзы. Книгалэсь вылбамзэ но автор ачиз суредаз. Озьы ик книгае пыремын солэн серемес веросъёсыз, сценкаосыз, тылобурдоосын герӟаськем тунсыко учыръёсыз. «Тылобурдоос сярысь веранъёсты урокын но лыдӟыны луоно. Та выллем материалъёс школаын уг тырмо, – пусйиз книгаез дасясь писатель Лидия Нянькина.
✨Шумпотымон, Мая Евдокимовна творчествозэ азинтон бордын ялан тырше. Дас одӥг аресъем Екатерина нунокез но суредаське. Алнашысь искусствоосъя школаын быгатонлыксэ волятэ, песянаезлэсь индылонъёссэ но лыдэ басьтэ. Усточиос ог-огзэс бурдъяло, ужъёссэс возьматыса, видео лэсьтыло.
Присоединяйтесь к ОК, чтобы посмотреть больше фото, видео и найти новых друзей.
Комментарии 1