Предыдущая публикация
💐Аслӑ ӑрури ентешсене уявпа саламларӑмӑр.
Хӗрлӗчутайсен "Чавал" ентешлӗхӗ "Наше" кафере пуҫтарӑнса ятлӑ-сумлӑ аслӑ юлташсене ӗҫри ҫитӗнӗвӗсемшӗн, пурнӑҫри пысӑк опытшӑн, ентешлӗх ӗҫне хастар хутшӑннӑшӑн тав турӗ.
♥️Раҫҫейре Ҫемйе ҫулталӑкӗ пулнӑ май, хамӑр йышри нумай ҫул пӗрле килӗштерсе пурӑнакан мӑшӑрсене те чысларӑмӑр. Риммапа Михаил Петровсем - 60 ҫул, Ольгапа Александр Самылкинсем - 50 ҫул, Надеждапа Анатолий Никитинсем - 40 ҫул алла аллӑн тытӑнса пурнӑҫ ҫулӗпе пӗрле утаҫҫӗ. "Чавал" ентешлӗхӗн Канӑшӗн председателӗ Владимир Савинкин вӗсене ҫакӑншӑн тав туса парнесем пачӗ. Мухтанатпӑр хамӑр ентешсемпе, вӗсенчен тӗслӗх илетпӗр, терӗ.
🍁Уяв питӗ кӑмӑллӑ иртрӗ. "Кӗр парнисем" курав валли Чутай пикисем - ӑста кил хуҫисем хатӗрленӗ тутлӑ апат-ҫимӗҫе тутанса пӑхрӑмӑр. Алиса Лукина пухӑннисене вальс хусканӑвӗсене вӗрентрӗ. Иван Шинжаев, Ольга Осипова, Ирина Шинжаева, Надеждапа Анатолий Никитинсем, Вера Порфирьева юрӑҫсем пирӗн тӗлпулӑва хӑйсен пултарулӑхӗпе илем кӳчӗҫ.
🤗Аслӑ ӑрури ҫынсен кунӗпе саламласа пӗр-пӗрне нумай ырӑ, ӑшӑ сӑмахсем каларӑмӑр. Пӗрле калаҫса, юрласа-ташласа чуна уҫрӑмӑр, ҫакӑн пек уявсем кулленхи пурнӑҫра питӗ кирлине ӑнлантӑмӑр. Тавах, ентешсем, пурне те!
Следующая публикация
Комментарии 6