»
Мафэ горэм Хъуаджэр игъунэгъумэ адэжь кIуи хьафэу лъэгъупышхо къыхьыгъ. Зыфэяхэм, ежьыри ригъэуцуи ыхьыжьыгъ.
- Сыд адэ, мы лэгъупыжъыер къызыкIыдэпхьыгъэр, Хъуадж? - аIуи къеупчIыгъэх.
- Сэ симые сыфаеп, шъуилэгъупышхо илъфэгъу дэдэу къысэшъутыгъагъэти, хъушъэны ихьи лэгъупыжъые къылъфыгъ, былымыр зыер шъорыти къыдэсхьыжьыгъ.
- Тхьэ къытати, тилэгупышхо лъфи, лэгъупыжъ къылъфыгъ, - аIуи быныр гушIуагъэ.
Лэгъупэшхори лъэгъупыжъыери игъунэгъумэ Iахыжьыгъэх.
Бэ тешIагъа, етIани Хъуаджэр кIуи лэгъупышхор хьафэу къыхьыгъ. Ымыхьыжьыхэ зэхъум игъунэгъу къэкIуагъ.
- Адэ Хъуаджэ сыдэу бэрэ лэгъупыр къэбгъэтыгъа?
- Ярэби, къысфаIорэп, ау хъугъэр гукъау: шъуилэгъупышхо хъушъэны икIодагъ, - ыIуагъ Хъуаджэм.
- Сыдэу хъушъэны икIуадэу ? Лэгъупыр лIэна Хъуаджэ? - ыIуагъ игъунэгъу ыгъэшIагъоу.
- Ар сыдэу о бгъэшIагъора? Лэгъупыр зылъфэкIэ лIэнкIэ гъэшIэгъона? - ыIуагъ Хъуаджэм.
Игъунэгъу ыIон ымышIэу IукIыжьыгъ. Джаущтэу лэгъупыжъыем ычIыпIэкIэ лэгъупышхор Хьуаджэм къыфэнагъ.
Присоединяйтесь к ОК, чтобы посмотреть больше фото, видео и найти новых друзей.
Нет комментариев