Майли дегин, охриги бора,
Диллар розин айтиб қолсинлар.
Видо байтин учириб еллар,
Булутларга алам солсинлар.
Майли дегин.
Майли дегин, охриги бора ,
Сочларингда сузсин қўлларим .
Тафтларингда оқиб битайин,
Кафтларингда қотсин йўлларим.
Майли дегин.
Майли дегин, охриги бора ,
Нигоҳинга бир бор тикилай .
Қароғингда яшаб бир нафас ,
Ёноғинга дув~дув тўкилай.
Майли дегин.
Майли дегин, охриги бора ,
Юзларингда ёнсин лолалар .
Дудоғингда боллар ютилса ,
Буғар бўлсин ,субул толалар .
Майли дегин.
Майли дегин , охриги бора ,
Ишқларимиз ишққа чўмилсин.
Қизғалдоғдек беғубор туйғу ,
Қонталашган қалбга кўмилсин.
Майли дегин .
Майли дегин, охриги бора,
Кўзларимда қотсин қўзларинг.
Бир жон экан, бермоқ бир бошга ,
Қатл этсин айтар сўзларинг .
Майли дегин.
Майли дегин, охриги бора .
Мурод Али Дониёр
Март 2021 Москва.
Присоединяйтесь к ОК, чтобы посмотреть больше фото, видео и найти новых друзей.
Комментарии 13