Предыдущая публикация
Әткәм-әнкәм яткан тау башынннан
Таңнар ата көн дә сызылып
Әйтерсең лә, Газизләрем безне
Иркәлиләр якты нур булып.
Алар баш очыннан Кояш чыга
Туган авылымны нурга күмеп
Кояш булып әткәй-әнкәем
Сәламлиләр безне нур чәчеп.
Матур яшәгез сез, балаларым
Дия иде һәрчак әнкәем
Рәхәт яшәгез дип өсти иде
Баштан сыйпый-сыйпый әткәем.
Тормышыбыз матур, Газизләрем
Тыныч булсын берүк җаныгыз
Сезгә рәхмәт әйтеп дога кыла
Һәр иртәдә алты балагыз.
Тау башыннан Кояш чыгып килә
Тиңсез нуры җанны иркәли
Әткәй-әнкәемдәй, баштан сыйпап
Матур яшәгез сез, балам, ди.
Рүзилә Гатауллина
Следующая публикация
Комментарии 1