Предыдущая публикация
Ушул ырымды окусам эле, жашым куюла берет😥
Бир аз уктап, кеткен экен сабакта.
Эжекеси, - жакын келип Азатка.
Жаагына, чаап-чаап жиберди.
Тур! уктоону, айландырдың адатка.
Эшексиңби? эмне мынча уктайсың?
Кызыксызбы, эмне мени укпайсың?
Бери чукуп, алайынбы көзүңдү?
Эмне дедим? айт, кайтала сөзүмдү.
Кечиресиз, эжекеси укпадым.
Өзүм деле, билбей калып уктадым.
Мындан кийин, кайталанбайт сөз берем.
Жал - жал карап, жалооруган көз менен.
Өзүн баспай, нары тур деп бир түрттү.
Мына балдар - көрдүңөрбү шүмшүктү.
Мындайларды, айдаш керек мектептен.
Ызаланган, бала жашка тумчукту.
Бери бас - деп, желкесинен сүйрөдү.
Ата-энеңе, баарын айтам үйдөгү.
Сен мектепке, келесиңби укташка?
Көпкө чейин, ачуу сөздөр сүйлөдү.
Үйгө барып, апасына салам деп.
Нымтыраган, бир уйкучу балаң деп.
Балаң андай, балаң мындай тигиндей.
Көпкө чейин, айтып турду жаман кеп.
Токто кызым, жаман дебе баламды.
Өзүң кандай? уул - кызың аманбы?
Менин уулум, ээң акылдуу дүйнөдө.
Капаланам, жаман десең анан бу.
Байкушумдун, каза болгон атасы.
Байкушумдун, баспай калган апасы.
Мени менен инилерин багам деп.
Түнгө чейин, иштегени катасы.
Мектебинен, келе сала садага.
Чоң базарда, түртүп иштейт араба.
Жалгыз гана багаарыбыз ушул да.
Иштейт десем, мени жаман караба.
Иштен келип, кир жууган да байкушум.
Үй шыпырып, кир кууган да байкушум.
Тамак жасап, инилерин киринтип.
Иши кылып, тынымы жок жай кышын.
Бутум басса, багат элем мен деле.
Бечаарамды, жамандарга тең дебе.
Суранамын, түшүнүп кой уулума.
Акылдуудай, көрүнөсүң сен деле.
Иштебесе, оокатыбыз токтойт да.
Бирөө бизге, бир тыйынын кошпойт да.
Түн бир маал, араң уктайт - сабакта.
Ошон үчүн, уктап кетет окшойт да...?
Баарын угуп, эжекеси ыйлады.
Көз жашыны, көпкө чейин тыйбады.
Жана гана жаман көргөн Азатты.
Азыр эми, жүрөгүнөн сыйлады.
Кечирип кой, айланайын Азатым.
Эжекеңдин, урушчаак адатын.
Билбей эле, жалкоо депмин сени мен.
Көрсө сенин, тоодой экен азабың.
Следующая публикация
Нет комментариев