Гэй, родныя песні! Вы ў суме і ў горы,
Ці ночка пануе, ці сівер дзьме зімны,
Для роднай зямелькі вы — светлыя зоры,
Для роднага краю вы — райскія гімны!
Янка Купала
Нішто так не кранае наша сэрца, як прыгожая мелодыя. Нездарма гавораць: “Песня — душа народа”. Пра беларускую песню можна сказаць, што яна і народная, і святая, і патрыятычная. Яна заўсёды падтрымае ў цяжкі час! Словамі беларускай песні спявае наша матуля-зямля.
Наведвальнікі аддзялення дзённага знаходжання грамадзян сталага ўзросту цэнтра сацыяльнага абслугоўвання насельніцтва Ашмянскага раёна мелі магчымасць у гэтым пераканацца пры сустрэчы з самым маладым народным вакальным ансамблем Ашмянскага раёна "Мельніца".
Гэты калектыў даволі малады, але без яго удзелу не праходзіць ні адно раённае мерапрыемства. Час яго нараджэння як самастойнага - 2022 год. Галоўнае ў творчасці артыстаў - сучасная апрацоўка фальклорных кампазіцый, якія кранаюць струны душы слухачоў, вяртаюць да родных вытокаў. У іх выкананні гучаць прыгожыя песні на роднай мове пра Беларусь, каханне, прыроду, а таксама пра родную хату і сяброў.
Удзельнікі мерапрыемста бліжэй пазнаёміліся з членамі ансамбля, пагутарылі аб іх творчасці, атрымалі адказы на хвалюючыя пытанні. Цёплыя апладысменты слухачоў сталі прыемнай узнагародай выканаўцам.
Выступленне маладых артыстаў нікога не пакінула абыякавым. Усім хацелася слухаць іх яшчэ і яшчэ. Словы падзякі, пажаданні творчых поспехаў доўга гучалі ад нашых наведвальнікаў у адрас калектыва.
Сустрэча з выканаўцамі закончылася, але ніхто не пакідаў залу, бо кожнаму хацелася абмеркаваць убачанае і пачутае.
Сапраўды, родныя мелодыі глыбока кранаюць душу і нельга іх не любіць. Таму ў заключным слове вядучая мерапрыемства пажадала усім слухаць песні на роднай мове, любіць іх, адкрываць сваю душу для шчырых пачуццяў, жыць ў згодзе з людзьмі і з музыкай!
Тэрэса Кошань
спецыяліст па сацыяльнай рабоце
ТЦСАН Ашмянскага раёна
Присоединяйтесь к ОК, чтобы посмотреть больше фото, видео и найти новых друзей.
Комментарии 2