Йиққан- терган нафақамни бир сочиб.
Неваралар тўпалонидан қочиб.
Кетмоқчиман тоғу тошга беш кунга
Сумка олиб юким жойладим унга:
Китоб олдим мазза қилиб ўқийман
Иплар олдим қишга нимча тўқийман.
Унда иплар чувалашмас пойимда
Кўзойнагим турар қўйган жойимда.
Шолча олдим майсазорга тўшайман.
Ёстиқ олдим мазза қилиб ухлайман.
Уйқим бузиб тувак сўрамас ҳеч ким
Ухлагунча эртак сўрамас ҳеч ким.
Опам билан гаплашаман бир соат.
Гапим бўлмас “Қоч! Тегма! Қўлингни торт!
Хой энгашма! Хой югурма! Хой тегма!
Гулни узма! Дарахт шохини эгма!
Овқатингни тўкма! Юз қўлингни юв!
Бурнинг оқар, ўйнамагин муздек сув.”
Неваралар соғинсин шу сўзимни.
Бир дам олай яхши кўриб ўзимни.
Шуни ўйлаб, суриб ўтирсам ҳаёл.
Шохрух чиқди: “Бувижоним, мен тайёр.
Рюкзагимга солдим анча нарсани.
Унутмадим хатто шахмат доскани.
Энди менга демайсиз “Қоч, вақтим йўқ!”
Тоғда бекорчисиз, ишингиз ҳам йўқ.
Ўргатасиз шахмат- шашка ўйнашни.
Рус тилини, инглизча сўзлашни.
Бадминтон ҳам олдим, ўйнаймиз бирга.
Варрак учиргани чиқамиз қирга.
Тоққа чиқиб бирга гуллар терасиз.
Қорним очса менга овқат берасиз.
Кейин майсазорда хўп тепамиз тўп.
Бўлақолинг буви, ҳали режам кўп.”
Қўлтиғимдан тушиб каттакон тарвуз
Хаёлларим бир зумда бўлди тўз-тўз.
“Эх Мастура!” Дедим, “Чала ўйлабсан.
Уйдан қочиб тоғу тошни кўзлабсан.
Неваралар сенинг даминг, рохатинг.
Ахир улар райхонлари жаннатнинг.
Меваларинг - болаларинг боласи.
Ширин-шакар қандак ўрик донаси.
Шулар катта бўлса дам ҳам оларсан.
Лек унгача кампиииир бўлиб қоларсан!”
Мастура Хожи Она Шеьрлари
Присоединяйтесь к ОК, чтобы посмотреть больше фото, видео и найти новых друзей.
Нет комментариев