Энди мен озаман қандоқ?
"Буви, озинг!"- Деди тўсатдан.
Бош неварам чойнинг устида.
Ёғлиқгина қатлама қолди.
Чайналмасдан тишим остида.
"Тўлалигим зарарми сенга?
Хой болажон! Тушунтириб бер! "
"Албаттада, эшитинг, мана."
Оқсоқол неварам менга дер.
"Оёғимни босиб қўй!"-дея
Ётволасиз каттакон бўлиб.
Босиб-босиб чарчаб қоламан.
Турган бўлсам ҳам кучга тўлиб.
Сен ўйлама менга осон деб.
Озишни ўзим ҳам хохлайман.
Лекин бунинг иложи йўқ-да,
Бирорта юришдан қолмайман.
Кунда никох, хафтада бешик.
Қовурдоқлар, гапу гаштаклар.
Дастурхонда турли неъматлар:
Шоколаду холва, пашмаклар.
Сомса, норин, мохора товуқ,
Кабоб, палов, мастава, манти
Топганини тўкар ўртага.
Ўзбегима, бунчалар танти.
Олмаганинга хеч қўйишмас.
Емаганинга хеч қўйишмас.
"Хой яхшилар! Пархездаман мен."
Демаганингга хеч қўйишмас.
Ликопчага-ўзингга қараб.
Солиб олсанг баридан оз-оз.
Атрофдаги аёллар ўйлар:
"Савил, экан бунчаям танноз."
Уч соатда саккиз хил таом.
Қимирламай еймиз кирганни.
Яна гина қилиб қўямиз
Обкирмадия мен қилганни!
Кўйлак излаб бозорга борсам.
Сотувчилар кўзин қилиб лўқ.
Бошдан оёқ бир қараб олиб
Дейди: "Хола, размерингиз йўқ."
Физкультура қилмоқчи бўлдим.
Югуришга чидамас оёқ.
Энгашувдим, қирсиллади бел.
Хўш? Энди мен озаман қандоқ?.
Хўп. Бугундан пархезни бошлаб.
Озиш учун дастур тузаман.
Иродамни бир қўлга олиб.
Тез кунда ўн кило озаман.
Присоединяйтесь к ОК, чтобы посмотреть больше фото, видео и найти новых друзей.
Нет комментариев