Уламоларимиз ақоид илмини турлича таъриф қилганлар. Баъзи мисолларни келтирамиз 《Фалсафатут тавҳид ав ашрафул мақосид 》номли китобнинг соҳиблари Аҳмад Ибн Муҳаммад ибн Муҳаммад Валалий Микносий:
《У яқийний - ӯта ишончли далиллардан дийний ақийдаларни касб қиладиган илмли》, дейди.
《Мавоқиф》китобининг соҳиби Абдуроҳман Аҳмад Абдулғаффор Ийжий:
《У, ҳужжатлар келтириш шубҳаларни рад қилиш йӯли билан дийний ақийдаларни исбот қилишга қодир бӯладиган илмдир》, дейди.
Имом Ғаззолий ӯзларининг машҳур 《Иҳёу Улумид дин 》номли китобларида:
《Ақоид тавҳид идрок этиладиган Аллоҳ субҳанаҳу ва таъолонинг зоти ва сифатлари билинадиган илмдир》деганлар.
Аш-Шариф ал-Журжоний ӯзининг 《Ал-Мавоқиф》га қилинган шарҳида:
Калом бир илмдирки унда Ислом қонуни асосида Аллоҳ таъолонинг зоти ва сифатлари ҳақида ҳамда бошланиш ва қайтарилиш каби мумкинотлар аҳволи ҳақида баҳс қилинади》деган.
Муҳаммад Абдуҳ ӯзининг 《Рисолатут Тавҳид》китобида:
《Ақоид》бир илмки унда Аллоҳнинг мавжудлиги,Унга қандай сифатларни собит қилиш вожиблиги нима билан васф қилиниши жоиз эканлиги У зотдан нимани нафий қилиш вожиблиги Пайғамбарлар ҳақида уларнинг қандай бӯлишликлари вожиблиги уларга қандай нисбат бериш жоизлиги уларга нималарни нисбат бериш манъ қилингани ҳақида баҳс юритилади》,дейди.
Таърифларнинг энг жамловчиси энг осони энг шомили ва энг қисқаси аллома Али Қорининг 《Ал-Фиқҳул Акбар》га қилинган шарҳининг такмиласида, 146-саҳифада зикр қилинган таърифидир:
《У бир илмки,унда эътиқод қилиш лозим бӯлган нарсалар ҳақида баҳс қилинади 》.
Биз эса ушбу таърифлар бир-бирини тӯлдириб келади ва яна баъзи камчиликлар қолади деймиз.
Присоединяйтесь к ОК, чтобы посмотреть больше фото, видео и найти новых друзей.
Нет комментариев