Кээде сүйгөнүнүн кыянаттык кылганы өлүмгө да алып келет. Тирүү калса эң жакын адамын жоготуп алганы менен тең тагдырына эң чоң сокку болот. Жеңил ой менен беш минуттук жыргалга азгырылаардын астында ушуну ойлонгон жакшы. Бир дагы өзүн сыйлаган эркек кыянаттыкты кечире албайт. Эгер чын сүйсө. Эгерде жигитиңер силердин кылган кыянаттыгыңар үчүн кетип калса же кечире албаса анда ал өзүнүн баркын билген, намысын тебелетпеген жигит. Аны кайра кайрып алгыңар келсе силер чынчыл, ишенимге татыктуу болушуңар керек. Мен кандай болсом ошондой сүйсүн, болоор иш болду, сүйсө келет деген ой туура эмес. Ал силер үчүн бул дүйнөдө жалгыз сүйгөнү экенин, эң маанилүү барктуу адам экенин силер ал үчүн баарына даяр экениңерди билдирип, ишендиришиңер керек. Анын намысын тебелеп, сатып кетип, кыянаттык кылгандан кийин силердин чыечылдыгыңарга ишендириш оңой эмес. Анткени бир сатып кеткен же көп жолу саткан адамга ишениш кыйын эле эмес жийиркеничтүү дагы болот. Көбүнчө эркектер өзүн кемсинткендей сезип кечиргиси келбейт. Бирок жигит кызын сүйсө, же кызы кыянаттык кылгычакты катуу сүйгөн болсо оңолгонуна ишендирсе кечириши мүмкүн.
Присоединяйтесь к ОК, чтобы посмотреть больше фото, видео и найти новых друзей.
Комментарии 169