Не хочацца ў гэты дзень псаваць чытачам настрой, а хацелася б пажадаць усім усяго самага найлепшага, але ў гэты дзень таксама і традыцыйна падводзяцца вынікі.
Палітыка, якую праводзіў Лукашэнка з пачатку свайго праўлення, прывяла краіну да лагічнага канца. “Канец” слова канешне ўмоўнае, але такой, якой Беларусь была ўчора, яна заўтра ўжо не будзе. З аднаго боку Расійская імперыя здыхае і фінансаваць Беларусь больш не збіраецца/не можа, а з іншага боку Пуцін хоча застацца пры ўладзе пасля 2024 года. Зараз па закону ён гэта не можа зрабіць. Можна канешне закон перапісаць пад сябе, але ці праглынуць такую нахабнасць расіяне, ніхто сказаць не можа.
Саюзная дзяржава дае Пуціну легальную магчымасць, стаўшы прэзідэнтам новага дзяржаўнага ўтварэння, быць кіраўніком яшчэ два тэрміны. А патрыятычны псіхоз пасля далучэння Беларуcі да Расіі, створыць патрэбны псіхалагічны фон у расійскім грамадстве. У сувязі з гэтым расіяне будуць ламаць Лукашэнка здаць Беларусь. Таму хочам пажадаць Аляксандру Рыгоравічу ў новым годзе зрабіць правільны выбар, а менавіта для пачатку пакаяцца перад беларусамі за ўсё зробленае на каленях.
Беларусаў жа, якія доўгія гады выбіралі стабільнасць, замест развіцця, хочам расчараваць: стабільнасці не будзе. І не спадзявайцеся, што калі Расія далучыць Беларусь, то жыць вы станеце лепш. Пацікаўцеся ў расіянаў, якія жывуць за МКАДам, як ім жывецца. Так і вы жыць будзеце, толькі горш. Таму жадаем вам зняць ружовыя акуляры, якімі вы глядзіце расійскія праграмы і серыялы.
З іншага боку крызіс дасць магчымасці Беларусі нарэшце пайсці шляхам развіцця. Шлях будзе цяжкі, але змены звычайна праходзяць з цяжкасцямі. Таму беларускім актывістам, якія пасля шматгадовага змагання расчараваліся ў гэтым змаганні, жадаем аптымізму. Хутка ўсё пачнецца :)
А ўвогуле ўсім нам жадаем волі, веры і гатоўнасці абараняць Беларусь!
Жыве Беларусь і жыць будзе!
Грамадскі сектар Атраду "Пагоня"
Беларускія добраахвотнікі ў сацыяльных сетках:
Укантакце: https://vk.com/belpahonia Фэйсбуку: https://facebook.com/belpahonia Твітэры: https://twitter.com/belpahonia Інстаграме: https://instagram.com/belpahonia/ Тэлеграме: http://t.me/belpahonia Ютубе: https://youtube.com/user/belpahonia
Присоединяйтесь к ОК, чтобы посмотреть больше фото, видео и найти новых друзей.
Комментарии 1