Амири бе Ватан хору залил аст,
Гадо гар дар Ватан мирад амир аст!
Ин мисраъҳоро аксарият медонанд. Аз 80 фоизи онҳое, ки ин байтро медонанд, агар суол кунед, ки он моли кист, посух медиҳанд: “Аз Амир Олимхон!”. Дар аксари мақолаҳое, ки ба рӯзгори охирин Амири Бухоро бахшида шудааст, низ муаллифон ин байтро ба сифати васияти амири фирорӣ зикр кардаанд. Бисёриҳо вақте дар мавзуъҳои ватандорӣ мақола менависанд, барои исботи бебаҳо ва муқаддас будани Ватан, сарнавишти Амири ғариб ва ин байтро мисол меоранд. Аҷиб он аст, ки миёни чунин муаллифон мутахассисон, муаррихон ва онҳое низ ҳастанд, ки марқади Амир Олимхонро зиёрат кардаанд. Зикри ин муаллифонро зарур намедонам, зеро онҳо бешуморанд. Барои исботи ин фақат кофист, ки ин байтро дар интернет биҷӯед... Ҳатто дар Википедия – Донишномаи озод ин байт катибаи гӯри Амир Олимхон зикр шудааст. Дар манобеъи русӣ, аз ҷумла дар Википедия низ, тарҷумаи байт ҳамчун васияти амир ва катибаи гӯри ӯ машҳур аст:
Эмир без родины жалок и ничтожен.
Нищий, умерший на родине, - воистину эмир!".
Ҳол он ки ин байт ба қалами Шоири халқии Тоҷикистон устод Гулназар тааллуқ дорад.
Пас ин мисраъҳо кай эҷод шудаанд? Чӣ гуна он ҳамчун васияти Сайид Амир Олимхон вирди забонҳо шуд? Ба ин суолҳо посух меҷӯем.
Гулназар соли 1975 ба Афғонистон ба ҳайси тарҷумон фиристода мешавад. Дар ин давра Гулназар таҷрибаи қариб даҳсолаи кори журналистӣ дошт, дар идораи рӯзномаи бонуфузи “Комсомоли Тоҷикистон” фаъолият мекард, узви Итттифоқи журналистони ИҶШС шуда буд (соли 1969), ҳамчун шоир низ ном бароварда, ашъораш дар рӯзномаву маҷаллаҳо нашр шуда, ду китобаш – “Расми сарбозӣ” (1969) ва “Дастархон” (1972) ба табъ расида, ба узвияти Иттифоқи нависандагони Тоҷикистон (1973) пазируфта шуда буд. Бинобар ин, Гулназар дар Афғонистон на танҳо тарҷумонӣ, балки ба ҷустуҷӯҳои эҷодӣ низ машғул буд. Аз диду боздидҳои хеш очерку лавҳа ва сафарномаҳо таълиф кард, ки дар рӯзномаву маҷаллаҳо нашр шудаанд. Муаллиф баъдан навиштаҳои худро дар қолаби ёддоштҳои сафарӣ дароварда таҳти унвони “Дар хонаи дӯст” ба дасти чоп супорид. Дигар дастоварди эҷодии Гулназар аз Афғонистон эҷоди силсилаи “Тахти Рустам” аст.
Дар Самангон,
Тахти Рустам интизори Рустам аст!
Ин силсила дар эҷодиёти шоир мавқеи хос дорад. Муҳаққиқон онро дар эҷодиёти Гулназар марҳилаи нав ва гардиши куллӣ унвон кардаанд. Баҳси мақоми шеъру шоирӣ ва баёни меҳри Ватан дар меҳвари ин силсила қарор дорад. Шоир дар “Тахти Рустам” ормонҳои миллиашро баён кардааст.
Беҳуда аз силсилаи “Тахти Рустам” ёдоварӣ накардем, зеро шеъри “Дар сари гӯри Амир Олимхон” низ ҷузъе аз он силсила аст. Силсилаи “Тахти Рустам” аввал дар рӯзномаву маҷаллаҳо ва баъдан соли 1988 дар китобе бо ҳамин унвон нашр шудааст.
Устод Гулназар таърихи иншои ин шеърро дар ду нигоштаи хеш қайд кардаанд.
Якум, соли 1980 дар “Маориф ва маданият” (26 апрел) очерки сафарии Гулназар таҳти увнони “Амири беватан” нашр шудааст. Муаллиф дар ихтимоми очерки аввал менависад: “Ман дар яке аз қабристонҳои шаҳри Кобул марқади Амир Олимхонро дидам. Қабр бесоҳиб аст. Ҳар кас дар санги болои гӯр чизе навиштааст. Он ҷо чанд дашном ҳам сабт шудааст. Шояд онҳое, ки беватананду дарбадариҳои худро аз Амир Олимхон медонанд, аз мурдаи ӯ қасос гирифтаанд... Ҳамроҳи ман ронанда ҳам буд.
Ӯ гуфт:
– Ту ҳам чизе бинавис. Ана тобошир – ӯ ба ман бӯр дароз кард.
Ман навиштам:
Гадо чун дар Ватан мирад амир аст,
Амири беватан зору ҳақир аст.”
Аз ин бармеояд, ки ин байтро устод Гулназар нахуст бадоҳатан дар сари гӯри амири фирорӣ гуфтаанд ва баъдан онро шомили силсилаи “Тахти Рустам” намудааст. Чун шеър “Дар сари гӯри Амир Олимхон” ном дорад, бисёриҳо фикр мекунанд, ки байт воқеан, дар марқади амир ҳакокӣ шуда бошад.
Дуюм, бо гузашти солҳо хотироти Гулназар таҳти унвони “Ду ҳазор лола рӯяд” дар бораи Аҳмад Зоҳир таълиф гардид. Шоир дар он аз қабристони “Шуҳадои солиҳин”, ки алмоси Шарқ низ он ҷо мадфун аст, ёдоварӣ карда менависад:
“- Чанд сол пеш дар ҳамин ҷо гӯри Амир Олимхонро дида будам.
Мӯсафед аз рафтан бозистод. Ду қадам ба дасти рост гашту моро даъват кард:
-- Гӯри Амир Олимхон ин ҷост.
Ба назди мӯсафед рафтем. Ӯ як гӯри ободеро нишон дода гуфт:
-- Хеле хароб шуда буд. Авлодаш аз Амрико омада, бозсозӣ карданд.
Дар санги рӯйи гӯр тахминан чунин навишта шуда буд: «Ин ҷо Амири ғозии Бухоро Олимхон мадфун аст. Ватанашро кофарон забт карданд ва ӯ дар ғарибӣ даргузашт.»
Воқеан, он гӯре, ки соли 1975 дида будам, дигаргуна метофт. Ман дар шеъри «Дар сари гӯри Амир Олимхон», ки дохили силсилаи «Тахти Рустам» аст, навишта будам, ки гӯё касе дар санги гӯри Амир ҳаккокӣ кардааст:
Гадо чун дар Ватан мирад, амир аст,
Амири беватан зору ҳақир аст.
Бисёриҳо гумон кардаанд, ки ин ҳақиқат аст ва ман борҳо хондаву шунидаам, ки гӯё дар болои гӯри Амир чунин сатрҳо ҳастанд. Ин тавр нест, ин як хаёли шоирона асту бас”.
Гулназар дар сафари дуввумаш ба сари гӯри амир низ шеъре навиштааст, ки “Бори дигар дар сари гӯри Амир Олимхон” ном дошта чунин мисраъҳо дорад:
Ту бимурдӣ, ман намурдам
Бе Бухоро, бе Бухоро...
Пас, дигар тардиде нест, ки байт моли устод Гулназар аст.
Акнун дар бораи катибаи гӯри Амир Олимхон.
Достони марги Амир Олимхон гуногун нақл мешавад ва аз даҳон ба даҳон обуранги дигар гирифтааст. Вале дар меҳвари аксари ривоятҳо ин достон аст, ки гӯё Амир Олимхон ба фарзандонаш васият карда бошад, ки ин байтро дар турбаташ ҳакокӣ кунанд. Ин ривояти дуруғ на танҳо дар Тоҷикистон, балки дар Афғонистон низ будааст. Далели ин, яке аз наворҳои ахири Аҳмад Масъуд сардори Ҷабҳаи муқовимати миллӣ ва фарзанди Аҳмадшоҳи Масъуд аст, ки ин қиссаро нақл мекард...
Ҳол он ки дар сари гӯри Амир Олимхон навишта шудааст:
“Ин ҳазираи пуралам ҳомили қабзаи хоки аморат ва фахомати бунёни сиёдатпаноҳи подшоҳи ҳафтум ва ахири силсилаи монғитаи Бухорои шарифи аъно, Ҷаноби олии мағфур амир Сайид Олимхон ибни марҳум амир Сайид Абдулаҳадхон, ибни амир Сайид Музаффархон, ибни амир Сайид Насруллоҳхон, ибни (амир Сайид) Сайид Ҳайдархон, ибни амир Шоҳмурод мулаққаб ба Маъсуми Ғозӣ, ибни амир Донёлхон мебошад, ки дар соли даҳуми салтанати он марҳум аморати Бухорои шариф аз тарафи куффори рус истило ва худаш ба сурати муҳоҷир фисабилуллоҳ ба хоки ҳамсояи муҳассан ва мусаллами худ Афғонистон паноҳанда шуда ва баъд аз инқизои бисту се соли зист дар ин хоки исломӣ ба умри 64 солагӣ, рӯзи шанбеи 9-уми саври 1323-уми шамсӣ, мутобиқи панҷуми ҷимодӣ-юл-аввали 1363-юми ҳиҷрӣ нидои арҷаъиро лаббайк (гуфт) ва чашм аз дунёи фонӣ пӯшид – Ҳақ Таъоло рӯҳашро дар ҷавори раҳмати хеш ҷо диҳад, омин.”
Тавре мебинед, дар сари гӯри Амир Олимхон ягон мисраъ шеър нест.
Қазияи байти “Амири беватан...”и Гулназар мисли қазияи дар минбари СММ ҳакокӣ шудани “Бани одам аъзои якдигаранд”м Саъдӣ аст. Гарчанде солҳост менависанд, ки дар СММ ин байт ҳеҷ гоҳ овехта нашуда буд, вале боз ҳам ин факти дурӯғро такрор мекунанд. Дар асл худи тоҷикон чунин воҳимаҳоро дӯст медоранд ва эътиқоду боварҳои хешро ҳақиқат гумошта ба он бовар низ мекунанд.
Дар масъалаи аз номи Амир Олимхон вирди забонҳо шудани ин байт низ устод Гулназар бепарво буданд, зеро бисёр байтҳои эшон кайҳо моли халқ шудаанд. Барои мисол:
Бо тарозуе, ки ҳоло фанди мардум мекунӣ,
Рӯзи фардо бори аъмоли туро бармекашанд!
Ин байтро аксарият дар бозорҳо дида, гумон мекунанд, ки моли классикон бошад, ҳол он ки муаллифи он низ устод Гуландзар ҳастанд. Эшон мисли ҳамин матни Суруди миллиро ба халқ бахшида, дар суҳбатҳо эълон карда буданд: “Суруди миллӣ дигар моли ман нест, балки аз халқ, давлат ва миллат аст!”...
Одил Нозир
25.02.2023
Присоединяйтесь к ОК, чтобы посмотреть больше фото, видео и найти новых друзей.
Комментарии 9
Аслан ин қабила бо номи Мангут дар қисми шарқии Мугулистони имрӯза то даврони Чингиз умр ба сар бурда , дертар ба Дашти Қипчоқ равона шуданд ( асри 14 милод ) .....Хулас баъди аз ҷониби Темури ланг барҳам хӯрдани давлати Чингизили Олтин Урда , ин қабилаи дар боло рӯ оварда шуда озими Мовароунаҳр шуда , дар Бухорои шариф , Самарқанд , Қашқадарё , Чорҷӯй , ҳато дар Балхи Хуросонзамин ва ғайра муқими шуданд .....
Асосгузори сулолаи мангитиен Муҳамад Раҳим ( соли 1756 ) буда , поенгузори ин сулолаи мангитиен амир Олимхони гуреза ба Хуросонзамин буд ......
Замоне ки болшевоҳои комунисти радикалӣ бо роҳбарии Фрунзе ба Бухорои шариф ҳамла карданд , амир бо мақоли : --- Қочмаган номард амал карда , ба гуреза прчакӣ роҳ дода , масълияти мубориза бо * Болшевоҳои мужик * аз сар соқит карда ба ҳамқавмаш Иброҳим.лақайро истифода бурд .....
Дар натиҷа Мовароунаҳр бесоҳиб , дузду рохзан қумонлон , бесару сомонӣ ба авҷи аъло расид , Фрунзе ба зодаи империяи Русия , * Пешвои навбаромад * и Комунист Болшевоҳои мужику чекистҳо В.И . Улянов ( лақаб Ленин ) телегром фиристод ки Бухоро таслим шуд , аҳсану офарин аз Доҳӣ Пешвои оянда шунид , ки барои зодаи Пишпек ( Бишкеки имрӯза ) Фрунзеро хушнуд карда буд ......
Гов мурад ҳам амо ....алогии чашмаш мемонад , ки ҳақ асту рост аст .....
Бобоям ки амалдори ана ҳамин ҳокимон буданд , соҳиби 2 ( ду ) зан , замини корам , 7 ( ҳафт ) фарзанд , боғи шахсӣ дар Гарм буданд , ба ҳеҷ куҷо роҳи гурезро ба ми...ЕщёДар байни хешу ақрабо , алалхусус бобои раги падариам аз амалдорони ана ҳамин амири Бухорои шариф буданд .....
Замоне ки болшевоҳои комунисти радикалӣ бо роҳбарии Фрунзе ба Бухорои шариф ҳамла карданд , амир бо мақоли : --- Қочмаган номард амал карда , ба гуреза прчакӣ роҳ дода , масълияти мубориза бо * Болшевоҳои мужик * аз сар соқит карда ба ҳамқавмаш Иброҳим.лақайро истифода бурд .....
Дар натиҷа Мовароунаҳр бесоҳиб , дузду рохзан қумонлон , бесару сомонӣ ба авҷи аъло расид , Фрунзе ба зодаи империяи Русия , * Пешвои навбаромад * и Комунист Болшевоҳои мужику чекистҳо В.И . Улянов ( лақаб Ленин ) телегром фиристод ки Бухоро таслим шуд , аҳсану офарин аз Доҳӣ Пешвои оянда шунид , ки барои зодаи Пишпек ( Бишкеки имрӯза ) Фрунзеро хушнуд карда буд ......
Гов мурад ҳам амо ....алогии чашмаш мемонад , ки ҳақ асту рост аст .....
Бобоям ки амалдори ана ҳамин ҳокимон буданд , соҳиби 2 ( ду ) зан , замини корам , 7 ( ҳафт ) фарзанд , боғи шахсӣ дар Гарм буданд , ба ҳеҷ куҷо роҳи гурезро ба мисли турки мангитӣ пеша накард ....!
Замоне ки кормандони ЧК бо ҳамаслаконаш : -- ту чаро нагурехтӣ гуфта дӯғу пӯписа мекарданд ....
Бобоям ба воситаи тарҷумон ба ин чаласаводҳои балвогар оромона ишора кард ки дар баробари ҷамъи андоз , ба кору бори масҷидҳо ва мадраса роҳбарӣ мекард ки мардум ба рақсу бозии беҳудаи шайтонӣ , нашъамандӣ , зинокорӣ дода нашаванд ......
Фарзандони бобоям , амакоям Музаффар ва Мунавар қурбони ҷанг , падари марҳумам Исроилуҷа аз ин муҳориба дар баробари ҷароҳат низ осеби сар ( контузия ) гирифтор шуда буд ......
Офаринатон бод ба ликтаторон Патрис Лумумбаи Конгоӣ , Муаммар Қаззофии Ливиягӣ , Садом Ҳусейни Ироқӣ , Салвадор Алиендеи Чилигӣ , Морис Бишопи Гранадагии Кариб , Ким Ин Сен ва писараш , Ленин ва Сталин ки дар лаҳзаҳои душвори ҳаёти рузмара * Қочмаган номард * шиорашон нашуд .....