ვერ დავასრულე ის ზღაპარი შენთვის, რომ ვწერდი,
ვერ მოვიპოვე სიყვარული ასე ნანატრი,
ვერ დავაწყვილე საყვარელო ჩვენ ორის ბედი.
მე ვერ შევძელი დედოფლობა შენს საუფლოში,
არც შენ ყოფილხარ ჩემი მეფე, დღეს უკვე ვხვდები,
ვერც იმ ცას შევწვდი მე რომ ასე მენატრებოდა
და ჩემს სიყვარულს გაუხუნდა ხასხასა ფერი.
წლებს გავექეცი, რომ შენამდე მოვსულიყავი,
მსურდა წაკითხვა სტრიქონების შენთვის რომ ვწერდი,
მაგრამ მოსული შენს თბილ გულში ვერ შემიფარე,
და ჩამოემსხვრა ჩემს ოცნებას გაშლილი ფრთები.
დრომ თავისი სთქვა და უეცრად ზურგი მაქცია,
თან მიმავალმა მიმანიშნა, რომ ისევ შევცდი
და მეც წავედი სიყვარულით გულსავსე შენგან,
აღარ მოგელი და თვალებშიც დამიშრა ცრემლი.
კიდევ უამრავ სტრიქონს დავწერ ამ სიყვარულზე,
გული დაგშორდა, მე კი ისევ შენს გვერდით ვრჩები,
თუ დაგჭირდები მომიხმე და შენთან გავჩნდები,
რომ შეგაშველო საყვარელო მეგობრის ხელი.
.
ქეთი ალასანია.
Присоединяйтесь к ОК, чтобы посмотреть больше фото, видео и найти новых друзей.
Нет комментариев