Ду зебогурбае дорам, азизон,
Ки ҳарду дилфиребу нозанинанд.
Вуҷудамро рабуда меҳри эшон,
Чу ёре бо дилу ҷонам қаринанд.
-----
Якеро Қобилак номаш ниҳодам,
Ба сурат зархату тиллоиранг аст.
Ҳалиму хушадову ҳам накӯфеъл,
Вале дар шакл монанди паланг аст.
-----
Дигар Мақбулаки донову айёр,
Басо хушсурату хубу алояк.
Ба чолокӣ бувад аз ҳарчӣ ҳушёр,
Аз ин рӯ гӯямаш шӯху балояк.
-----
Зи шавқи дидани ин ду ҳунарманд,
Ба ёдам саҳнаҳои сирк ояд.
Якеаш мепарад ин сӯву он сӯ,
Дигар бо лаҳҷаи худ месарояд.
-----
Гаҳе дар авҷи бозӣ масту сархуш,
Гаҳе бо ҳам ба хашму шӯру ҷанганд.
Яке аз дигаре кай паст ояд?!
Ки ҳарду ҳам мисолӣ нарпаланганд.
-----
Азизонам, кунед шояд тааҷҷуб,
Аз ин кору зи гуфторӣ Муродӣ.
Бале, ман ошиқи ин гурбаҳоям,
Ки як воситае бошад ба шодӣ.
-----
Ҳабиби Ҳақ муҳибби хоссаву ом,
Ба қавле дар ҳаримаш гурбае дошт
Навозиш баҳри ӯ мекарду икром.
Ки худ номи варо Муизза* бигзошт.
-----
Ба қавли дигаре, як ёри Акрам,
Ки ӯро буд номаш Абдураҳмон,
Зи баски гурбаҳоро дӯст медошт,
Расули Ҳақ Абуҳир* кардааш ном.
-----
Касе дар хонаи худ гурба дорад,
Бирезад файзи Ҳақ дар ошёнаш.
Раҳо ёбад зи ранҷу ғуссаву ғам,
Ҳамеша шод бошад хонадонаш.
(Муродии Хатлонӣ) 05.2024
-----
Қобил* - ҳалиму ботамкин, хушфеъл...
Мақбул* - писандида, пазируфта...
Муизза*- шакли муаннаси муизз яъне шоёни иззат, гиромидоранда.
Абуҳир*- Абуҳурайра,(рз) номи яке аз асҳоби ҷалилулқадри Расули Акрам (с.а.в) аст, ки асли номаш Абдурраҳмон буд, азбаски гурбаҳоро дуст медошт, паёмбар (с.а.в) ӯро Абуҳурайра яъне падари гурбаҳо мегуфт. Гурба дар забони арабӣ ҳир аст.
-----
Присоединяйтесь к ОК, чтобы посмотреть больше фото, видео и найти новых друзей.
Комментарии 25
Агар чунин аст лайк монда дар коментария нависад!