Предыдущая публикация
РЫГОРУ ЖУКУ, ПАЭТУ-РАМАНТЫКУ– 80!
16 лістапада 2024 года адзначыць свой прыгожы юбілей, 80-годдзе, лунінецкі творца Рыгор Андрэевіч Жук. Нарадзіўся паэт у Лунінцы, дзе прайшло яго пасляваеннае дзяцінства і юнацтва. Скончыў Мінскі ФЭТ, Галоўнае Ленінградскае УПК пры Саўміне СССР. Працоўную дзейнасць пачаў на ж/д у ПЧ-19. Потым 20 гадоў працаваў рэвізорам у сферы гандлю, а апошнія 19 гадоў, перад выхадам на заслужаны адпачынак, на заводзе “Палессеэлектрамаш”, дзе вырас ад слесара-зборшчыка электрамашын да майстра і начальніка цэха. Пад час вучобы ў Ленінградзе наведваў шмат разоў Эрмітаж, музеі і выставачныя залы горада. Гэта дало прасвяднае насенне для буйнага росту яго творчай нівы.Захапляючыся партрэтамі вялікіх мастакоў, Рыгор па-сапраўднаму ацаніў сілу жаночай прыгажосці, якая вельмі ярка адлюстроўваецца ў яго кранальнай паэзіі.
Аднак у паэта нямала пранікнёных вершаў аб Радзіме, прыродзе і прыгажосці роднага краю. А яго сатырычныя творы выяўляюць факты несправядлівасці і абыякавасці ў грамадскім жыцці, што вельмі балюча адклікаецца ў радках яго вершаў. Рыгор Андрэевіч патрыёт сваёй Радзімы, мае цвёрдыя перакананні і моцны стрыжань душы. На яго рахунку такія зборнікі паэзіі: “Хлеб души», «Праздник чувств», “Мой свету цуд”, “Я пошукам чароўнасці жыву”, “Свет любви”. Паэт актыўна ўдзельнічае ў творчых сустрэчах аднадумцаў і калег па творчасці ў паэтычных клубах “Муза” і “Літаратурная правінцыя” горада Лунінца, друкуецца ў мясцовых выданнях і калектыўных зборніках паэтаў Лунінеччыны.
Сардэчна віншуем юбіляра з гэтай знакавай і прыгожай датай! Зычым яму здароўя і натхнення, і, канешне, прыгожых, сакавітых рыфмаў аб нашых палесскіх прыгажунях!
Фотаздымак Віктара Пігігіна
Да 80-годдзя Рыгора Жука
Ён напісаў шмат вершаў аб каханні,
Жанчынам многім выказаў прызнанне,
А застаецца ўсё ж-ткі адналюбам,
Мы назавем гэта “вялікім цудам”!
А ён жа цудам называе нас,
Так, нас, жанчын, дзяўчатак, жонак, маці.
У вершы кожным ён дае спазнаці,
Які шчаслівы даў Бог яму час,
Што кожны дзень упівацца можа хмелем
Дзівосных чар, чароўнасцю жанчыны.
І кажа: "Піў бы, піў той хмель бяз меры,
Каб лепш спазнаць чароўнасці прычыны".
Ён пошукам чароўнасці жыве,
Жанчыну праслаўляе сваім вершам.
І хтосьці скажа: “Ён такі ня першы!”
-Ня першы, так! Ды не перастае
Нас захапляць прыгожым сваім словам.
Не лавелас Рыгор, не Казанова,
Захоплены любоўю ён паэт,
Любоўю да ўсяго-такі сакрэт!
Ён радуецца шчыра панаванню
Любві, дабра і гонару, і міру.
“За справядлівасць барацьба”-прызванне
І сэнс невычарпальнай яго Ліры.
З павагай Валянціна Трухнова ад імя сяброў па творчасці
Ён напісаў шмат вершаў аб каханні,
Жанчынам многім выказаў прызнанне,
А застаецца ўсё ж-ткі адналюбам,
Мы назавем гэта “вялікім цудам”!
А ён жа цудам называе нас,
Так, нас, жанчын, дзяўчатак, жонак, маці.
У вершы кожным ён дае спазнаці,
Які шчаслівы даў Бог яму час,
Што кожны дзень упівацца можа хмелем
Дзівосных чар, чароўнасцю жанчыны.
І кажа: "Піў бы, піў той хмель бяз меры,
Каб лепш спазнаць чароўнасці прычыны".
Ён пошукам чароўнасці жыве,
Жанчыну праслаўляе сваім вершам.
І хтосьці скажа: “Ён такі ня першы!”
-Ня першы, так! Ды не перастае
Нас захапляць прыгожым сваім словам.
Не лавелас Рыгор, не Казанова,
Захоплены любоўю ён паэт,
Любоўю да ўсяго-такі сакрэт!
Ён радуецца шчыра панаванню
Любві, дабра і гонару, і міру.
“За справядлівасць барацьба”-прызванне
І сэнс невычарпальнай яго Ліры.
З павагай Валянціна Трухнова ад імя сяброў па творчасці
Следующая публикация
Комментарии 8