За паўгода ў медустановы Віцебска і Віцебскага раёна са скаргамі на прысмоктванне кляшчоў звярнуліся 1117 чалавек, прыкладна чвэрць з іх — дзеці.
У чэрвені медустановамі рэгіёна было зарэгістравана 628 такіх пацыентаў, што амаль удвая больш, чым за травень (338 чалавек).
З ліку пацярпелых 343 (30,71%) падвергліся нападу кляшчоў на тэрыторыі Віцебска, 507 (45,39%) чалавек — Віцебскага раёна. Астатнія 267 (23,90%) пацярпелі на розных тэрыторыях Віцебскай вобласці і за яе межамі.
Тэрытарыяльна прысмоктвання кляшчоў размеркавалася наступным чынам:
- у сельскай мясцовасці, дачных участках — 491 (43,96%);
- у лясной зоне — 439 (39,30%);
- у населеных пунктах — 181 выпадак (16,20%);
- на тэрыторыі зон адпачынку (парк, лесапарк) — 6 (0,54%).
Пры гэтым з пачатку года сярод жыхароў Віцебска і Віцебскага раёна зарэгістравана 46 выпадкаў хваробы Лайма, 29 з іх былі ўкушаны кляшчамі ўжо сёлета.
У Віцебскім абласным цэнтры гігіены, эпідэміялогіі і грамадскага здароўя даследавалі 208 кляшчоў, якія нападалі на чалавека. Заражанасць кляшчоў склала:
- узбуджальнікамі Лайм-барэліёза — 34,61%;
- узбуджальнікамі анаплазмозу — 4,32%;
- мікст-інфекцыямі — 5,79%.
Вірус клешчавога энцэфаліту ў даследаваных кляшчах не выяўлены. Аб заражэнні гэтым захворваннем людзей у Віцебску і Віцебскай вобласці таксама не паведамляецца.
Нет комментариев