З-за спякоты ва ўсёй Віцебскай вобласці абмежавана наведванне лясоў
З 11 ліпеня ва ўсіх раёнах Віцебскай вобласці ўвялі абмежаванні на наведванне лясоў.
Пяць дзён таму — лясны масіў ля вёскі Станелевічы на Пастаўшчыне.
Апошнімі такія супрацьпажарныя меры ўвялі пяць самых заходніх раёнаў Віцебшчыны: Браслаўскі, Верхнядзвінскі, Мёрскі, Пастаўскі і Шаркоўшчынскі.
Цяпер ва ўсіх лясных масівах вобласці клас пажарнай небяспекі ацэньваецца як трэці.
Першая палова першай дэкады ліпеня выдалася дажджлівай, што дазволіла на некаторы час зняць абмежаванні. Аднак апошнія пяць дзён ападкі ў рэгіёне не выпадалі, з-за чаго зноў павялічыўся клас пажарнай небяспекі.
Падчас дзеяння абмежаванняў забаронена праязджаць па лясных масівах на механічным транспарце, аднак хадзіць у лес усё яшчэ можна.
Пры гэтым трэба памятаць, што развядзенне вогнішчаў забаронена ў іглічных лясах, маладых насаджэннях, пашкоджаных участках, тарфянішчах, а таксама непачышчнных ад парубачных рэштак і нарыхтаванай драўніны месцах. Таксама варта пазбягаць месцаў з падсохлай травой, каб не выклікаць узгаранне. Неабходна быць уважлівымі і не пакідаць у лесе рэчывы, якія з'яўляюцца гаручымі матэрыяламі, бо гэта можа прывесці да самазагарання
Нет комментариев