Јалтыражвп сӱӱнчилӱ,јылдыстар јараш јайылар.
Кӱндери јайдыҥ узай ла кыскарып ойто баштады,
Ӱстӱбисте кӱркӱреп јалкындар тартып јааштады.
Учкур башту тууларга булуттар тӱртӱлип табарат.
Чуйдыҥ јайым чӧлдӧри кубулып бӱгӱн јажарат.
Айландыра ар-бӱткен јуурканын јажыл јабынды,
Кайкамјык јараш чечектер јайканыжып јайылды.
Тӱжине Алтайды изидет кӱлӱмзиренип алтын кӱн,
Јӱгӱрип капшай чӱрче ле ӧдӧт јымжак кара тӱн.
Сӱмер-туулар ыраакта кӧгӧрӧ ынарга кӧмӱлет,
Тӱнде кӱмӱш јылдыстар кӧҥкӧрӧ олорго тӧгӱлет.
Аарчы,курут,сарјуны албаты-јоныс белетейт,
Тайга-ташта јайлуда јадында малдар тебеелейт.
Јайгы эҥир оноҥ тӱн,санаам јайым талбынар,
Ару сӧстӧр кӱӱнимнеҥ катап ла мениҥ табылар.
Јараш јайдыҥ ортозы јажыл-ногоон Алтайыс,
Кайыр,бийик тууларлу,артыш јытту кабайыс!
Присоединяйтесь к ОК, чтобы посмотреть больше фото, видео и найти новых друзей.
Комментарии 5