Јараш јайдыҥ катап ла,
Эҥ ле узун бӱгӱн кӱни.
Санааларга катап ла,
Эбелет јууныҥ кӱзӱрт ӱни.
Амыр јаткан элиске,
Фашистер каэыр табарган.
Кандый ла калыкту јеристе,
Канду.јуу башталган.
Кӱӱнибистеҥ ырабас.
Сӱрекей кызу ол јылдар.
Ӱргӱлјиге ундулбас,
Јӱрӱмин берген јуучылдар!
Тайакту турат карган јуучыл,
Агару оттыҥ јанында.
Санаазы байла кунукчыл,
Јайдыҥ канду таҥында?
Катап ла темир бӧрӱктӱ,
Калапту ол тартышта.
Кӧӧ-кӱйакту кӧлӱктӱ.
Ӧштӱлерле адышта.
Качын,шулмус јиит ӧйи,
Калапту јууга берилген.
Кару оныҥ кӧӧркийи,
Аттар кырада јединген.
Октор ачу сыгыргып,
Бомбалар оны ӧртӧгӧн.
Канча ла катап јыгылып,
Канча ла катап ӧҥдӧйгӧн.
Ӧрт-јалбышты ол ӧткӧн,
Нӧкӧрлӧрин де кӧп кӧмгӧн.
Кӧстиҥ јажын да тӧккӧн,
Кӧӧ-кӱйакты да ӧртӧгӧн.
Ӧштӱни сӱрӱп Берлинге јеткен.
Ӧргӧзин ӧртӧп јеҥӱни экелген.
Сананып турат карган јуучыл,
Наајыларын катап эске алып.
Агару отты ајыктайт јуучыл,
Алакан ла јаагын чебеер арчып
Јайымдап кару јерин јуучыл,
Балбара баскан фашист эдӱни.
Ыйлаган араай карган јуучыл,
Сыйлаган биске амыр-энчӱни!
Присоединяйтесь к ОК, чтобы посмотреть больше фото, видео и найти новых друзей.
Комментарии 2