Предыдущая публикация
Асли муросадан яралган дунё,
На биров ўзгартган, биров кўчирган.
Менинг кўрганларим тенг ярми рўё,
Қолган ярмин ҳамма бошдан кечирган.
Сўз бисёр – тизсангиз бўлади достон,
Булар энг осони – қулайларидир.
Менинг дўстларимнинг тенг ярми инсон,
Қолган ярми шайтон малайларидир.
Ҳаёт бор – бағрида туйғу бор азал,
Айтинг, у қай дилни қилмайди асир?
Менинг севганларим тенг ярми гўзал,
Қолган ярми эса бачканалардир.
Соғ танни аямай яшадим мудом,
Бугун тўрт мучани бутлаш армондир.
Менинг еганларим тенг ярми таом,
Қолган ярми эса дори-дармондир.
Ранжиманг битганим туюлса гумон,
Арслон ҳам изига қайтиши мумкин.
Менинг ёзганларим тенг ярми ёлғон,
Қолган ярмин ҳамма айтиши мумкин.
Присоединяйтесь к ОК, чтобы посмотреть больше фото, видео и найти новых друзей.
Нет комментариев