Предыдущая публикация
Әрәмәгә төшкән ак томаннар
Ак хыяллар микән ал таңда
Кем уйлаган гомер үтәр диеп
Еракларда туган яклардан.
Кем уйлаган... Әткәй-әнкәйле чак
Томан арасында калыр дип
Шул чакларны эзләп...Таба алмый
Сагышлардан йөрәк яныр дип.
Кем уйлаган... Яшьлек эзләремне
Эзләрмен дип томан арасыннан
Күз яшьләрем түгел... Бары тик моң
Тамар диеп йөрәк ярасыннан.
Кем уйлаган...Шушы ак томаннар
Җырларыма илһам бирер дип....
Кайтмасыңны беләм... Тик шулай да
Күңел көтә... Сине эзли бит....
Рүзилә Гатауллина
Следующая публикация
Нет комментариев