Предыдущая публикация
(Апамның кызы Эльвираның якты истәлегенә...)
Чәчкә идең...Матур чәчкә идең
Көнләшепме өзеп алдылар?..
Чәчкә гомерең бигрәк кыска булды
Тамыры белән йолкып аттылар.
Йоклый идең инде син ул кичне
Кем уятты?.. Нигә уятты?..
Шул сорауны бик еш кабатлыймын
Таба алмыйм шуңа җавапны.
Ярый инде, нәрсә булса булган
Ходай шулай насыйп иткәндер
Сагынабыз сине...Юксынабыз...
Әйтеп кенә булмый хисләрне.
Дусларым да оныттылар диеп
Үпкәләмә инде, туганым
Һәр кешенең - үз язмышы инде
Маңгаена ходай язганы.
Саулык телә җирдә исәннәргә,
Урап үтсен бәла-казалар!
Чәчкә гомерләре озын булсын!
Җимеш бирсен газиз балалар!
Кайгырмасын ата-аналар!
Тик бәхетле булсын балалар!
Рүзилә Гатауллина
Присоединяйтесь к ОК, чтобы посмотреть больше фото, видео и найти новых друзей.
Нет комментариев