Гульмира Кумашева

Атам эмнеге күйөөм экөөбүздү күтпөй кетип калганын билип ыйладым

Үйгө келсек балам жалгыз отуруптур. – Таятаң кайда? – Жаңы эле таксиге жеткирип келдим. Жүктөрүн көтөрүшүп. – Эмне дейсиң? – Таятам айылына кетем деди. Мени жардашып кой деди. – Атама чалчы? Күйөөм телефонун издеп калды. Эч нерсе болбой туруп, кечээ эле келген атам эмнеге кетип калат? Бир жума жүрүп, доктуруна көрүнөм дебеди беле. Туура эмес сүйлөп койдукпу? Атамы таарынтып алдыкпы? – Алло! Ата, сизби? Оoба, кызым, мен, жаңы эле аиылга кирдим. – Жөө басып баратасызбы? – Жайытты аралап барайын дедим. Ойлор көп кызым. – Ата, эмнеге кетип калдыңыз? Эмнеге айтпай кетесиз? Мен туура эмес бир нерсе кылдымбы ата?