Предыдущая публикация
То ба кай охир ту майли куштани ёр кунӣ,
Ошиқи дилхастаро дар ҳар қадам хор кунӣ.
Куштаи теғи нигоҳи ту шудам ин бас набуд?!
Мурғи бисмилгаштаро бар доми худ зор кунӣ.
Хушхиромон меравӣ бо ғамзаю сад ишвае,
Бо карашма булбулонро бастаи хор кунӣ.
Ҳалқаи он зулфи печонат маро дар печ кард,
Бо хумори чашми мастат афсуни мор кунӣ.
Чун ба дом афтода сайде ҳар тараф сар мезанам,
Ҳамчу сайёде ту қасди ошиқи зор кунӣ.
Бишнав ай Мирзо, ту васли гулрухон дигар маҷӯ,
Умри ширинат диҳӣ бар бод аҷаб кор кунӣ.
Следующая публикация
Нет комментариев