فَكَانَتۡ هَبَآءًۭ مُّنۢبَثًّۭا
ПАС, МОНАНДИ ҒУБОР ПАРОКАНДА ШАВАНД.
пас, кӯҳҳо монанди ғубор пароканда шаванд. Дар бораи ҳолати кӯҳҳо дар рӯзи қиёмат дар бисёре аз сураҳои Қуръон хабар дода мешавад. Хулосаи маънои ин оятҳо, валлоҳу аълам, чунин аст. Кӯҳҳо ба инфиҷори (таркиши) бузурги бемисл гирифтор мегарданд. Ба таври мисол ба тарҷумаи он оятҳо муроҷиат мекунем: Ояти 10, сураи «Тур»: Кӯҳҳо рӯзи қиёмат ба ҳаракат медароянд; Ояти 10, сураи «Мурсалот»: Кӯҳҳо дар он рӯз аз ҷояшон канда мешаванд; Ояти 14, сураи «Аҳқоф»: Кӯҳҳо бардошта, фароҳам кӯбида мешаванд; Ояти 14, сураи «Муззамил»: Он рӯз шаванд, кӯҳҳо монанди тепаи рег аз ҳам пошида; Ояти 6, сураи «Воқиъаҳ»: Кӯҳҳо ба сурати ғубор пароканда мегарданд; Ояти 20, сураи «Набаъ»: Равон карда шавад кӯҳҳоро, пас гарданд мисли сароб; Ояти 5, сураи «Қориъаҳ»: Кӯҳҳо ҳамчун пашми наддофишуда дар ҳаво тайрон кунанд. Маълум мешавад, ки ғайри Аллоҳ таъоло дигар касе дақиқ аҳволи кӯҳҳоро рӯзи қиёмат дарк карда наметавонад. Дар ҳамон рӯзи бузург пеш аз ҳама инсонҳоро ба се гурӯҳ тақсим карда, ба онҳо гуфта мешавад.
( Ал-Воқеа : оят 6 )
Присоединяйтесь к ОК, чтобы посмотреть больше фото, видео и найти новых друзей.
Нет комментариев