Предыдущая публикация
Барларында барындан да гечгенмен,
Аччысын да,таълисин де яшавну,
Барысында бир чомучдан ичгенмен.
Яшавума къарамайман гьёкюнчлю,
Биревге де яшав шекер,бал тюгюл.
Бу дюньяны къайгъылары кёп гючлю,
Бир адамны юрегиде ял тюгюл.
Яшагъанбыз къыйын,тынч деп къарамай,
Гележекде,болажакъгъа инанып.
Къысмат бизге гьеч бир затны сорамай
Заман гете,биз къалабыз алланып.
Гетген оьмюр къайтмажакъны билебиз,
Тенгиримден тилейбиз янгыз савлукъ.
Бир-биревню къалдырмайыкъ хатирин,
Арабызда болсун даим татувлукъ.
Зубайдат Шаибова-Гамидова.
Присоединяйтесь к ОК, чтобы посмотреть больше фото, видео и найти новых друзей.
Комментарии 13