Предыдущая публикация
Дуслар булса булсын шундыйлары,
Дуслык кадерен яхшы белгәне!
Синең өчен утка, суга кереп
Кайгы-шатлыгыңны бүлгәне!
Дусның була читтән күзәткәне,
Дусның була янда йөргәне.
Бер киңәше, җылы сүзе белән
Тормышыңны ямьгә төргәне!
Якыны бар дусның, ерагы бар,
Хәлләреңне белеп торганы.
Керә калсаң, тәмләп чәен ясап,
Бар сыеннан табын корганы...
Шатлыгыңны синең уртаклашып,
Сөенгәне була дусларның.
Күңелем белән менә барлап чыктым,
Күп икән бит минем дусларым!
Рәхмәт сезгә, рәхмәт чын йөрәктән!
Дуслык кадерен белгән дусларым
Следующая публикация
Комментарии 4