Предыдущая публикация
Кара болыт кинәт хасыйл булып.
Ак болытны этә-төртә килдең.
Борчак төшкән матур күлмәккәем,
Бәлки чыланмаган булыр идең.
Йөгерә-атлый синнән кача-кача,
Ашыгып кайтып кердек чоланга.
Ак борчаклы матур күлмәккәем
Энәсеннән җебенә чыланган.
Борчак төшкән шушы күлмәгемне,
Нихах көнне кидем куанып.
Күлмәккәем ала-колаланды,
Әрәмкәйләр булды чыланып.
Кыз чагымда кигән шушы күлмәк,
Синең кочагыңа сыенган.
Энәсеннән җепләренә кадәр
Яңгыр асларында коенган.
Истәлеккә саклыйм ул күлмәкне,
Ямансулап алып карыймын.
Рәт-рәт итеп элгән күлмәкләргә
Күңел салмыйм,аны санлыймын.
Гомер үтә,чәчкә кырау төште,
Матур күлмәкләр дә мул инде.
Ә уңганын киеп,кочагыңда
Җылытырга син юк шул инде.....
Присоединяйтесь к ОК, чтобы посмотреть больше фото, видео и найти новых друзей.
Комментарии 13