( 25 тин уландысы)
Даркан канчалык тырышкан сайын жумуш шайын оодарды. Кээ күнү бут тарта албай жатып калган күндөрү болду. Анысы аз келгенсип жатаканасында бир тынч эс алалса. Күбүр - шыбыр, музыкасын койуп алган кожойкеси сөз укса кана. Утур - тетир айтышып жүрүп Даркан жумуштан келгенде атайын баштайт чамасы. Көз карашы да жапайы адамды карагандай. ,, Тообо" деп койот кээде Даркан. Ит жатыш күндөрүнүн биринде адаттагыдай өтө чарчап келген Дарканды кан жалаган күчүктөй оозун бир жагына кыйшайтып,
- Сенин төлөгөн күнүң эртең бүтөт, так что билсең керек перёд төлөп жашаганды. Эртең мага акча менен кел- деди.
- Айлыгым тийип калат...койо турсаңыз бир аз...
- Ой, ансыз деле унчукпай келе жатам. Түнү иштеген адам болуп тим эле... Унчукпай койсоң ушул да, адамдар төөңө минип алат. Жакшы эс алалбай атам деп наалыйсын...жакшы жер таап ал...чыгып кет.
- Кайда барам эже...? Койсоңуз...
- Издеп таап ал...жумушуң жанында. Кудай деп эле жашай берсең болмок.
- Мен чыгып кетем деген жокмун го эже.
- Жакпай жатпайбы?
-.........
- Акча жок эле дей беришет экен...
Даркандын жообун да күтпөй ары басып кетти. Канчалык чарчаса да Даркан уктай албай койду. Эмне кылаарын билбей ойлонуп ойунун түбүнө жетпей бир азга буту колун созуп жатты. Кайра турду. Отурган ордунда бир жерге телмире тунжурады...Телефону иштебей, Нура да кабар албай калды. Ал кантип атат белгисиз... Кой андан көрө тиги шериги Дамира эжеге барып кеңешип көрөйүн деген ой менен ордунан козголду. Жакын жердин ушунусу жакшы да. Бат эле ишканасына кирип барды. Дарканды көргөн Дамира эже,
- Ой не болду саган,- деди жууп жаткан идишин койуп жатып.
- Эже сиз менен кеңешейин деп келдим.
- Казыр мен чай даярдайын...сүйлөшүп отурганча...
- Мм...,- Даркан да эртең менен чай иче элек экенин эми эстеди.
Жумуштан баргандан кийин болгон окуяны баарын айтып берди. Ойлоно угуп отурган Дамира эжеси,
- Аа, шор бешенемиз да шор бешене...,- ойлоно сөзүн улады,- у дагы биздей болуп келген...тугрымы.
- Ооба да жыргаган жеринен келбейт...
- Аа адамдар шундаймыз кузни кичине май басса болды курмай каламыз. Сени шык деса...мен гой узагдан келем болмайды. Мен да бириншы келганымда...ой жаман болгам.
Улам кофеден ууртап койуп сүйлөп отурган Дамира эжеси бирден Даркан карап,
- Унда мундай кыламыз...сен вешиларыңы алып кел мында. Ишке келипсың го шунда. Эрта менан карныңды туйгазып метрого түшүп кет.
- Кайда барам метрого түшүп ?,- таң калган Даркан
- Мен шулай жашагам....эки ай,- эки манжасын көрсөтүп
- Кантип эже...?
- Саган окшап ночда ишладым. Квартир үшүн акча жок...эрте менен шайым ичип, жемек алып алам да метрого тушып, айланып жура берам...уклап калам...убакыт утады. Жана иш...
- Эже...мен түшүнбөдүм ....метрону да жакшы билбейм...
- Унда мындай кыламыз...мен рано келамын хорошо.
- Мм...
- Саган көрсатып, ургатып ээ...
- Мм...,- Даркан жакшы түшүнө бербесе да Дамира эжесинин жакшы аял экенин билет. Маакул дегендей баш ийкеп кофесин ичип отурду. Кофе ичкенди ушул эжеден үйрөнгөн . Жакшы нерсе экен, курсагың ток жүрөт турбайбы.
- Мен ишим кылайын сен вешиларың алып совсем кела бер хорошо давай.
- Кеттим анда эже эртерээк эл келе берейин ээ...
Маакул дегендей баш ийкеп Дамира эжеси идиштерин териштире баштады. Даркан жол катар ,, көз көргөндү баш тартат" тагдырдын бул буйругун да көрөйүн деген чечимге келип жатаканасына кирди. Кожейкеси бир карап койуп, унчукпады.
Бир аз уктасамбы деген Даркан уктай албады. Болор- болбос кийимдерин ала баштыгына салыштырып, бат эле даяр болуп, дубалдагы илинип турган саатты карады. Дагы эле бир топ убакыт бар турбайбы ,, жатып эс алайын" деп бош орунга жанбаштады. Чарчаган да, уктап кеткен экен кожойкесинин үнүнөн ойгонуп кетти.
- Эмне болду кеткен атасыңбы?,- Даркандын даяр турган ала баштыгын карап койуп.
- Ооба, чыга турган болдум.
- Ии жакшы жер таптыңбы?
- Иштеген жеримде эле...
- Уруксат берет бекен.?
- Ошондой го..
- Айтып койойун кайра келсең киргизбейм. Күйөөмдүн да көзү кызарып өлүп атат сага.
- Кайсыл күйөөңүз ?- Даркан оңтойсуз суроо берип алып, шашып калды.
- Ой оңбогур ай. Билмексен болбочу.
- Ырас билбейт экем...кечириңиз...
- Жүрөт го кирип чыгып эле...
- Мм...., - Даркандын көздөрү бакырайып аны билдирбей ары карай ,, ...кудай сакта...жаш бала го анысы. Шерменде баласындай... Кой батыраак чыгып кетейин" деп күбүрөнүп ордунан тура саамай чачтарын артка сылай баштыгын көтөрө жөнөп калды. Сыртка чыкканда кере кере дем алып ишканасы жакты көздөй жөнөдү .
( чыгарманын теңине жеттик. Уландысы болот )
Присоединяйтесь к ОК, чтобы посмотреть больше фото, видео и найти новых друзей.
Нет комментариев