Предыдущая публикация
Дир урхъи ,дир хъант1и,хъах1илаб ралъад,
Хъамун гьудул унеб,доб хъах1аб гама.
Гучал карачелал,чилайдул парус,
Парпадулеб байрахъ нахъа кканин мун.
Кодоб т1огьол квац1и.кват1арав лъалев,
Лъедеян рехарал хадур гъоларел.
Хириялъул квач1у,кибали рик1ад,
Рак1ал к1алъан гурел лъалареб жаваб.
Жийги яхъун ч1анин вач1унев лъанин,
Лъимадулаб г1оди г1анаби риччун.
Г1орхъулъа т1ерхьунеб,т1аг1ун жиб унеб,
Т1арамагъадисеб,сирена гамил.
Салуда бахъана хъвана йокьулин,
Гъоркь рек1ел суратгун,реч1ун ч1ор борлъун.
Бач1ун карачелалъ,кинабго бац1ун,
Ц1амх1алаб лъадаца,лъуна нухда мун.
Хирияй т1ерхьараб.т1ад юсин гьеч1еб,
Т1ок1инадай ралъад,лъилъилищ ругъун.
Лъида бугеб г1айиб,г1унт1уларев нахъ,
Нахъе кинан инев анив щибулев.
Шагьар ч1амуч1лъана.ч1алг1ана пристан,
Бест1аллъана къасдал,къварилъана рак1.
Бакъанил г1ужалъги,г1айибав дунан,
Дие къо лъик1илан,ллелъ т1ерхьана бакъ.
Следующая публикация
Комментарии 1