Предыдущая публикация
Дуй г1емер бицараб цинги бич1ич1еб,
Бикьулареб лъалеб лъабиде рокьи.
Раг1араб г1емераб,г1еч1еб цо дагьаб,
Г1умроялъул дарсал росич1ел дуца.
Цинги инагьдарав гьеч1ин цогидай,
Цох1о бугеб рух1ги х1алалин дуе.
Х1асраталъул ц1ик1ин,ц1арухъ г1ащикълъи,
Г1олареблъи лъалев.лъаниги толев.
Талих1 балагьулей билараб г1адин,
Берда цебе ч1араб ,ч1ух бац1инч1ого.
Батуларин рокьи.кьоларин икъбал,
Къвалакье виччаян.нечон цеве ч1ун.
Ч1ух1иги хисулеб,хаслъиги унеб,
Хаслихъе кват1арай,рии ун лъалеб.
Лъималаз дур гурде,дица рет1илин,
Т1аса бахъун индал,ихх цебе ч1олеб.
Ч1ух1араб дир г1амал г1орхъулъа ин дур,
Дунги мун ралъаргъун,,лъар ралъдалъ чвахун.
Чидахъ балагьун мун,мунилан ч1ун дун,
Дармида к1иялго,к1оларел къезе.
Къисматалъ бицина церего ругин,
Цоцае рижарал,нуж щай лъалхъарал.
Лъоба зобалазда зигарданиги,
Заманалъ церего цоцай хъван рук1ин
Следующая публикация
Нет комментариев