Чан ч1ужу ячарай.йиччарай киг1ан.
Каранда хахулел хут1анищ нахъе,
Хадур рекерулел,киндай ругоян.
Каламалъул лъик1лъи лъазе бокьила,
Лъади дир ятани,тезе к1оларей.
К1алъаялъулъ гьоц1о,бец1ц1улеб к1алдиб,
К1удиясул хурхен,хал гьабулейдай.
Хириявин абун,инсул рукъ бух1ад,
Рек1еда х1унсула.х1алад толаро.
Х1ал бихьизе вахъа,урхъун йигилан,
Хъабарча ц1ац1ала,ц1ай жийги гъоркье.
Гъурун чакар бала,чай гьуинлъизе,
Чамасдак бач1уна,ч1езе рек1еда.
Ч1алг1ани вусине,рес къот1ун ккезе,
Кинабго черхалде,чвахула маг1у.
Г1емерал санал ран,саглилъ ккарав дир,
Сук1анщинал бак1ал,рук1к1елал уна.
К1ал дуца ч1ванщинаб,ч1ола эхетун,
Хвезе г1едег1унге,г1олохъан вугин.
Г1олохъанай мунги,ригь арав дунги,
Доб боснор к1очонтун,к1иялго балугъ.
Бекерулеб чуги,чангит ккун дунги,
Дур суал лъаларо,дир жаваб гьеч1о.
Гьикъуларо дуца,дицаги щайха,
Щванищ мурадалде,дир арал санал.
Сон йик1арай дойги,дой хисун мунги,
Метерисеб къодул,къадар лъилгундай...
Къаг1идаби щайзе,хабар к1варич1о,
Хирияй дир паспорт,те балагьуге.
Беразул кунч1иги,каранда рак1ги,
Кинабго гьеле дуй,дир загс,магьари.
Присоединяйтесь к ОК, чтобы посмотреть больше фото, видео и найти новых друзей.
Нет комментариев