У аз вазорат даст бардошт. Подшоҳ аз дигар вазирон пурсид, ки вазири оқил куҷост? Гуфтанд: Аз вазорат даст бардоштааст ва ба ибодати Худо машғул аст. Подшоҳ назди вазир рафт ва аз у пурсид: Аз ман чи хато диди, ки вазоратро тарк карди? Гуфт: Аз панҷ сабаб. Якум: Он, ки ту ҳамеша нишаста буди ва ман ҳузури ту рост меистодам. Акнун бандагии Худоеро мекунам, ки маро ҳатто дар намозҳам ҳукм бар нишастан мекунад. Дуввум: Он, ки ту таъом мехурди ва ман нигоҳ мекардам. Акнун Раззоқе пайдо кардам, ки У намехурад ва маро мехуронад. Севвум: Онки ту хоб мекарди ва ман посбони мекардам. Акнун Худо чунон аст, ки ҳаргиз намехобад ва маро посбони мекунад. Чаҳорум: Онки метарсидам агар ту бимири, маро аз душманонат осебе бирасад. Акнун Худои ман чунон аст, ки ҳаргиз наоҳад мурд ва маро аз душманон ҳифз хоҳад кард. Панҷум: Метарсидам, ки агар гуноҳе аз ман сар занад, авфам накуни. Акнун Худои ман чунон раҳим аст, ки гуноҳонамро мебахшад. Худоё! Моро як лаҳза ба ҳоли худ во нагузор.
Присоединяйтесь к ОК, чтобы посмотреть больше фото, видео и найти новых друзей.
Нет комментариев