Предыдущая публикация
Ўзбегимнинг қизлари
Сиз борсизки ҳаёт бор,
Сиз борсизки нажот бор,
Сизга ҳали дунё зор,
Ўзбегимнинг қизлари:
Тўмариснинг излари.
Қошга ўсма қўясиз,
Атлас кўйлак киясиз,
Қадрингизни биласиз,
Ўзбегимнинг қизлари:
Нодиранинг излари.
Шеър ёзиш сизга хосдир,
Зулфиядан меросдир,
Кўзларингиз чаросдир,
Ўзбегимнинг қизлари:
Зулфиянинг излари.
Йигитларнинг орисиз,
Алпомишлар ёрисиз,
Сизсизларнинг зорисиз,
Ўзбегимнинг қизлари:
Барчинойнинг излари.
Гўзалликда тенгсиз сиз,
Самодаги юлдузсиз,
Кеча ҳам кундузсиз,
Ўзбегимнинг қизлари:
Лайли Ширин излари.
Таърифизга шоир ҳам,
Сўз тополмас оҳ алам,
Омас ёр сизга ҳар дам,
Ўзбегимнинг қизлари:
Мома-ҳаво излари.
Следующая публикация
Нет комментариев