Предыдущая публикация
"Азап турмуш"
Бой жеткенден кыйынчылык күн өтүп,
Кайгы муңдар көкүрөктө толууда.
Аралашып ар нерсеге туш болуп,
Келе жатам турмуштун азап жолунда.
Арылбадым азап деген немеден,
Чыга албай чатыраш бир желеден.
Ушунчалык азап кайгым күчөдү,
Оо жараткан чыгара көр желеден.
Жандүйнөмдү ээлеп алып жалгыздык,
Андан дагы басып өттү алсыздык.
Алсыздандым жалгыздадым жашоодо,
Тоскоол болуп келе жатат чыдамдык.
Чынданам да чымырлана бел байлап,
Кайгы муңду жандүйнөмдөн кубалап.
Ал ансайын күч алат да бул турмуш,
Азап муңун мени көздөй кубалап.
Бул турмуштун ачуу таттуусун көрүп,
Жаштыгымда өттү кыйын күндөрү.
Суугун да ысыгын да өткөрүп,
Канча жолу ыйлап өттү түндөрү.
Беш энеге жазганы окшойт бул дагы,
Буйруп койгон менин ушул багыма.
Эмне болду?эмне болот?билбеймин,
Не болсо да ыраазымын кудайга.
24.12.17.
Следующая публикация
Нет комментариев