Kazim Huseynov

Allah şəhidimizə rəhmət etsin! Cəbhə xəttində gedən döyüşlərdə şəhid olan Əsgərov Təbriz Hamlet oğlu bu gün dəfn edilib. Şəhid Şəmkir şəhər Sərxan qəbristanlığında torpağa tapşırılıb, ruhuna dualar oxunub. Mərasimdə Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin nümayəndələri, Şəmkir Rayon İcra Hakimiyyətinin, Milli Məclisin deputatlarının, rayon hüquq mühafizə orqanlarının əməkdaşları, idarə və təşkilatların kollektivləri, minlərlə rayon sakini iştirak etmişlər. Minlərlə insanın müşayiəti ilə şəhidin cənazəsi Şəmkir şəhər Sərxan qəbiristanlığında əsgəri ənənələrə uyğun yaylım atəşi altında torpağa tapşırılıb, məzarı üstünə əklil və tər qərənfillər qoyulub. Üçrəngli Dövlət bayrağı isə əbədi xatirə kimi saxlanılması üçün şəhidin atasına təqdim edilib.