Дуун гээшэ хүнэй сэдьхэл,
Дуун гээшэ сэдьхэлэй гуниг.
Долгилhон дуунай аялгаар
Душан зүрхөө сэлидэг юм
Сэнгүүхэн аялгатай дуугаараа
Сэдьхэлээ сагааруулан ябадаг байгаа.
Сэсэн араднай бүхы байдалаа
Сэгнэжэ, дуундаа тааруулдаг зандаа.
Басаган үриеэ хадамай болгоходоо,
Бархиран байжа, дуугаа татаха,
Хари холын бэриин дуу
Халаглаhан янзатай, удхатай дуу.
Түрэ найрай дуун олон даа.
Турэhэн үридөө баhа угтамжын дуун.
Түргэн гуйдэлтэй мориной соло,
Тоолохоор бэшэ гоё зохеолнууд.
Арадай абдарhаа түүхэтэ дуунууд
Абай Гэсэрэй сагhаа эхилэн,
Алдар соло заяажа, дамжуулhан,
Алтан үүргэтэй урданай захяа.
"Наян-Наваа" гэжэ дуугай удхаар
Нангин газарыень бэдэрээ бэлэй.
Дулаан ороной дуулим талыень
Дахажа олоходоо, гайхаа бэлэй.
Дуушан хүн! Дахин дахин
Дуунай хүсөөр түүхэ бэшэнэ.
Үшөөл олон дуун зэдэлхэ болтогой!
Үри хүүгэднай дуулаха болтогой!
2022 Соелма Д.
Присоединяйтесь к ОК, чтобы посмотреть больше фото, видео и найти новых друзей.
Комментарии 1