Предыдущая публикация
Рубрыка «Новыя ідэі для вашай творчасці».
Аддзел этнаграфіі, фальклора і рамёстваў Гродзенскага раённага культурна-інфармацыйнага цэнтра распачынае новую рубрыку «Новыя ідэі для вашай творчасці», дзе мы будзем знаеміць Вас з новымі вырабамі ці серыямі работ нашых майстроў, прыгожым майстэрствам іх рук і сэрца.
Як вядома, салома — гэта прыродны матэрыял, ён акумулюе энэргію. Улетку гэта энэргія сонейка, станоўчая энэргія. Адпаведна, калі чалавек дакранаецца да саломкі, вырабляе нешта зь яе, то атрымлівае станоўчы, пазытыўны зарад. У зімку яна радуе вока.
Знаёмцеся - лялька «Саламяная Папялушка» (Золушка). Майстар – Ірына Шавельская.
Наша Папялушка з “беларускага золата” у руках Ірыны Шавельскай ператварылася ў Прынцэсу, бо яна працавітая, шчырая, добрая і паслухмяная лялька. Ну і «хросная-Фея» (наш майстар) своечасова выправіла яе на баль, папярэдне надаўшы ёй статус абярэгавай лялькі.
Нагадаем, саламяныя, як і анучныя лялькі не павінны мець твару. Лічылася, што, намаляваўшы твар, чалавек надае ляльцы душу, а значыць, яна можа ўвабраць у сябе не толькі добрыя намеры майстра, але і дрэнныя думкі тых, хто знаходзіўся побач. Што тычыцца ўсяго астатняга, тут у вытворчасці саламяных лялек няма абмежаванняў. Зрабіць такі абярэг лёгка, дастаткова толькі крыху пафантазіраваць.
Следующая публикация
Комментарии 3