Предыдущая публикация
РЎМОЛЛИ АЁЛДАН ҚЎЛИНГИЗ ТОРТИНГ!
Сийнасин очганга индамайсизлар,
"Қатортол гуллари"н, илғамайсизлар.
Нахот манқуртликка хануз шайсизлар,
Дерманки эл дардин елкага ортинг,
Рўмолли аёлдан қўлингиз тортинг!
Нега хамд айтдинг деб менмас Холиққа?
Шаккок қўйиб берсанг тортар солиққа.
Маъсият қилгунча зиндонга тиқа
Рўмолли аёлдан қўлингиз тортинг!
Қизки тўққиз ёшдан намоз бошламиш,
Демак жаннат томон қадам ташламиш.
Кўзларин Рахмоннинг ишқи ёшламиш,
Рўмолли аёлдан қўлингиз тортинг!
Рўмолли аёлни кимки тахқирлар,
Аллоҳ жаханнамда уни тақдирлар.
Юрак иморатин виждон таъмирлар.
Рўмолли аёлдан қўлингиз тортинг!
Турфа хил "боғбон"га ўзин қилса бахш,
"Гуллар"га тегмайсиз қилсаларда фахш.
Рўмолсиз қиз-хароб айвондир!-Бенақш,
Рўмолли аёлдан қўлингиз тортинг!
У зино кўлинда сузмаётирку,
Гиёҳванддек томир узмаётирку.
Халқнинг тинчлигини бузмаётирку,
Рўмолли аёлдан қўлингиз тортинг!
Дунёда энг разил таклифдир ўша:
"Ёки рўмолинг еч, ё ишдан бўша!"
Суғуриб олмасдан ихлосин қўша,
Хижобли аёлдан қўлингиз тортинг!
"Хаққа қарши борган таъзирин емас!"
Бундай сўзни мўмин-мусулмон демас.
Бу Ўзбекистонку, Европа эмас!
Рўмолли аёлдан қўлингиз тортинг!
Дооооод қачондан бери фахш қилиниб авф,
Туғдирур рўмолли аёл миллий хавф?
Хаққа қарши чиқиб ким кўрибди наф?
Рўмолли аёлдан қўлингиз тортинг!
Миршабсиз, биламан кераклигингиз,
Охуга қилманг шерюраклигингиз.
Унутмагансизку эркаклигингиз,
Рўмолли аёлдан қўлингиз тортинг!
Дунё не-не золим зотни кўрмади,
Айтинг экканини ким хам ўрмади?
Сизни туққан аёл хаққи хурмати
Рўмолли аёлдан қўлингиз тортинг!
Следующая публикация
Нет комментариев