«Ես դեռ այն տարիքում չեմ, որ մտածեմ փողեր աշխատելու մասին Քաթարի կամ Դուբայի ակումբներում»
Մխիթարյանը հարցազրույց է տվել գերմանական ԶԼՄ-ներին, որը ներկայացրել է bvb-russia.com կայքը: Այն որոշ կրճատումներով ներկայացնում ենք հայ ֆուտբոլասերի ուշադրությանը:
- Պարոն Մխիթարյան, վերջին շրջանում Դուք լռում էիք:
- Ինձ համար դա պրոբլեմ չէր (ժպտում է):
- Ինչու էիք լռում, որն է պատճառը:
- Պարզապես շատ բան է իմ մասին գրվել: Ես ցանկանում էի ավելի մեծ ուշադրություն ֆուտբոլին, դրա համար էլ չէի խոսում:
- Լուրեր էին պտտվում, որ Դուք պատրաստվում եք լքել «Բորուսիան» եւ տեղափոխվել «Յուվենտուս»: Ձեր գործակալը նույնպես խոսել է այդ մասին:
- Ես չէի ցանկանա ոչ մի կերպ մեկնաբանել այդ լուրերը: Ցանկանում եմ միայն առաջ նայել: Մեծ հաճույքով եմ Դորտմունդում եւ ամենակարեւորը դա է:
- Եղե՞լ են պահեր, երբ Դուք մտածել եք լրիվ հակառակի մասին:
- Ես ոչ մի անգամ չեմ մտածել այն մասին, որ սխալ քայլ եմ արել տեղափոխվելով Դորտմունդ: Ես այստեղ միշտ երջանիկ եմ եղել, «Բորուսիան» հիանալի ակումբ է: Միեւնույն ժամանակ զուտ խաղային առումով դժվար պահեր եղել է: Ես փորձել եմ անել ամեն ինչ, որպեսզի հնարավորինս շուտ դուրս գալ ստեղծված իրավիճակից:
- Եղան ժամանակներ, երբ ֆանատները նշում էին՝ «Այնպիսին, ինչպիսին Միկին է, երբեք գոլ չի խփի»: Ի՞նչ էիք զգում այդ պահին:
- Ծանր էր ինձ համար: Անցած մրցաշրջանի առաջին շրջանում ես իրոք մեկ գոլ խփեցի գավաթի խաղարկությունում: Ես ինքս երբեմն ճնշում էի գործադրում ինձ վրա, որ պետք է գոլ խփել եւ գոլային փոխանցում կատարել: Այն բանից հետո, երբ գոլ խփեցի, ամեն ինչ սկսվեց 0-ից: Ես կարող եմ հենվել վերջին երկու ամիսների վրա:
- 2017 թվականին ավարտվում է քո պայմանագիրը:
- Այս պահին չեմ մտածում այդ մասին: «Բորուսիան» մեծ ակումբ է, ես ինձ շատ լավ եմ զգում Դորտմունդում: Ես դեռ այն տարիքում չեմ, որ մտածեմ փողեր աշխատելու մասին Քաթարի եւ Դուբայի ակումբներում:Եթե 2016 թվականին «Բորուսիայի» ղեկավարները ցանական, որպեսզի ես մնամ, ես կմնամ մեծ հաճույքով: Եթե ոչ, ապա կտեսնենք:
Присоединяйтесь к ОК, чтобы посмотреть больше фото, видео и найти новых друзей.
Нет комментариев