Предыдущая публикация
Яшәү шарты җиңеләйгән саен
Катлаулана бара тормышлар
Әллә ничек үтә кеше гомере
Сизелми дә кала көннәр, айлар.
Күзләр - киләчәктә... Иртәгәсе көндә
Бүгенге көн кала бер читтә
Уйлар- үткәннәрдә...Эх, яшьлекне
Кайтарырга дибез бер кичкә.
Бүгенге көн күз ачып йомган кебек
Бик тиз генә үтә дә китә
Өметләнеп безнең күңелебез
Иртәгәдән ак бәхетләр көтә.
Тормышыбыз җитеш...Тик бер нәрсә
Җан җылысы җитми күпләргә
Бүген бирсәк иде шул җылыны
Соңга калмый газиз кешеләргә.
Бүген кадерләсәк иде... Күзләренә карап
Рәхәтләнеп бер сөйләшсәк иде
Ярый әле син бар дөньяда дип
Кочып алып рәхмәт әйтсәк иде.
Дөньялыкта, кеше исән чакта
Ишетсен иде җылы сүзләрне
Күпме сөйләсәң дә ишетмиләр алар
Мәңгелеккә йомгач күзләрен.
Югалтулар авыр... Бик авыр бит
Кайчак ярдәм итми догалар да
Исән чакларында кадерлик без
Шул җиңеллек бирер безнең җанга..
Рүзилә Гатауллина
Следующая публикация
Нет комментариев