Аз Анас (р) ривоят шудааст, ки гуфт:
"Паёмбар (с) аз хушахлоқтарини мардум буд ва ман бародари хурди аз шир ҷудо шудае доштам, ки номаш Абу Умайр буд ва ҳаргоҳ ки паёмбар (с) меомаду ӯро медид, мегуфт: Эй Абу Умайр чи шуд ба Нуғайр? (Нуғайр парандаи хурде буд мисли гунчишк), бо ӯ бозӣ мекард.
Аз Анас (р) ривоят аст, ки гуфт:
Паёмбар (с) аз хушахлоқтарини мардум буд, рӯзе паёмбар (с) маро барои анҷом додани коре фиристод ва ман гуфтам: Ба Худо, ки намеравам ва ниятам ин буд, анҷом медиҳам ҳаркоре ки бароям паёмбари Худо (с) амр кунад ва хориҷ шудам аз хона то ин ки ба назди бачаҳое расидам, ки дар бозор бозӣ мекарданд.
Дар ин ҳангом паёмбар (с) аз пуштам маро гирифт ва чун назар кардам дидам, ки паёмбар (с) механдид, ва гуфт: эй Унайс (Анаси хурдакак) оё рафтӣ ба ҷое, ки туро амр карда будам? Гуфтам: бале, ман раванда ҳастам барои анҷом додани амри шумо эй паёмбари Худо (с).
(Ривояти Муслим)
Аз Анас (р) ривоят аст, ки гуфт:
«Паёмбар (с) ба зиёрати ансориҳо мерафт ва бо кӯдаконашон салом медод ва сарҳояшонро сила мекард»
(Ривояти Насоӣ)
Аз Анас (р) ривоят аст, ки гуфт:
«Касеро бораҳмтар ба кӯдакон аз паёмбар (с) надидам вақто ки фарзанди паёмбар (с), Иброҳим дар атрофҳои дурдасти Мадина рӯзҳои ширхорагияшро дар тарбияти дояаш мегузаронд, паёмбар (с) ба хонаи он зан мерафт ва мо ҳамроҳаш будем, фарзандаш Иброҳимро мебӯсиду бармегашт».
(Ривояти Муслим)
Бубинед ин раҳму шафқатро ба хотири фақат бӯсидан он қадар роҳи дарозоро тай мекарду бармегашт.
Чун Ақраъ ибни Ҳобис дид, ки паёмбар (с) Ҳасан (р)-ро мебӯсад, гуфт:
"Ман даҳ фарзанд дорам ва касе аз онҳоро боре ҳам набӯсидам, Паёмбар (с) гуфт: «Ҳар кӣ раҳм накунад, раҳм карда намешавад»
Ҳангоме ки бодиянишинҳо ба назди паёмбар (с) омаданд, гуфтанд:
-Оё шумо фарзандонатонро мебӯсед?
Гуфтанд:
-Бале.
Бодиянишинҳо гуфтанд:
-Савганд ба Худо, ки мо ҳеҷ гоҳ фарзандонамонро намебусем.
Паёмбар (с) гуфт:
-Дар сурате, ки Худованд аз дилҳои шумо раҳматро гирифта бошад, ман чӣ кор карда метавонам!?"
(Ривояти Муслим)
Присоединяйтесь к ОК, чтобы посмотреть больше фото, видео и найти новых друзей.
Нет комментариев