Предыдущая публикация
Очаҷон, ҷуз ту набошад ғамгусоре
бахри ман,
Очаҷон, ғайри ту кас баҳрам
насӯзад дар Ватан.
Очаҷон, ҷон очаҷон, ҷонам фидои
ҷони ту,
Очаҷон, ҳар рузу соат мешавам
пазмони ту.
Очаҷон, дур аз канорат монда
бетоқат шудам,
Очаҷон, дар шаҳри мардум бе ту
нороҳат шудам.
Очаҷон, кай боз бинам рӯю
чашмони туро,
Очаҷон, кай боз бӯсам дасти
ларзони туро.
Очаҷон, дар кулбаи тангат чӣ ҳоле
дорӣ ту?
Очаҷон, хурсанд хастӣ ё ки
дилафгорӣ ту.
Очаҷон, гар ёд орам ҳезуми пушти
туро,
Очаҷон, гар ёд орам чоки ангушти
туро,
Очаҷон, чашмам пур аз ашку
дилам хунин шавад,
Очаҷон, фарзанди раҳдурат басо
ғамгин шавад.
Очаҷон, гум мезанад дил бо хаёли
рӯи ту,
Очаҷон, кай мечашам он кулчаи
хушбӯи ту?
Очаҷон, бе ту шакар андар
даҳонам заҳр шуд,
Очаҷон, оби ду чашмам рехт,
мисли баҳр шуд.
Очаҷон, эй кош, бинам тезтар
дидори ту,
Очаҷон, то рӯзи дидан Ҳақ таоллоҳ
ёри ту.
Очаҷон, каф-каф дуоят мушкилам
осон кунад,
Очаҷон, ҳар як саноят мушкилам
осон кунад.
Очаҷон, дорад ниёзе ин
ҷигарбанди ғариб,
Очаҷон, пас ту дуо дех бахри
фарзанди ғариб.
Очаҷон, бе ту хулоса зиндагонӣ
мушкил аст,
Очаҷон, бе ту ҳама ғамҳои дунё
дар дил аст.
Очаҷон, ин зиндагӣ Кӯҳзодро
сайёра кард,
Очаҷон, дарди ғарибӣ синаамро
пора кард.
Очаҷон, ҷон очаҷон, ҷон очаҷон,
чон очаҷон,
Очаҷон, бошад нигаҳбонат Худои
ломакон!
Следующая публикация
Комментарии 5