Предыдущая публикация
💯Сяброўскай талакой правялі добраўпарадкаванне грамадскіх могілак у вёсцы Свілы родныя памерлых.
✅Людзі не сталі прасіць дапамогі ў дзяржаўных структур, а самі сабралі пэўную грашовую суму, закупілі будаўнічыя матэрыялы і ў адзін з чэрвеньскіх дзён прыехалі ў Свілы.
— На прызыў аб навядзенні парадку адгукнуліся ўсе вяскоўцы, чые родныя людзі знайшлі вечны спачын на гэтым пагосце, — паведаміла ўраджэнка вёскі, жыхарка горада Браслава Ліма Касарэўская. — Тыя, хто не змог асабіста прыехаць на могілкі, перасылаў грашовыя сродкі. Больш за 20 чалавек з самага ранку і да вечара займаліся добраўпарадкаваннем: выдалілі кустоўе, скасілі траву, устанавілі і пафарбавалі новую агароджу, нават абсталявалі месца для збору смецця.
👉🏻У агульнай справе добраўпарадкавання прыняў непасрэдны ўдзел старшыня Іёдскага сельсавета Іван Пачкоўскі.
— Навесці парадак на могілках прыехалі людзі з Шаркаўшчыны, Браслава, Наваполацка, — расказаў прадстаўнік мясцовай улады.
Следующая публикация
Нет комментариев