Мадад бўлди дейсан менга оғир дам, Қарздорлик бошингни эгиб қўяркан. Қани опа сингил, ё ака ука, Топган пулингга ҳеч бўлмас барака, Шундай кун дўстлар ҳам қўйишар якка, Қарздорлик бошингни эгиб қўяркан. Илтимос деб агар сўз очсанг кимга, Дарров насиҳатдан гап бошлар сенга, Дармон тополмайсан битта дардингга, Қарздорлик бошингни эгиб қўяркан. Қилган режаларинг бузилиб кетса, Умид илдизлари узилиб кетса, Уйдаги нотинчлик жонингдан ўтса, Қарздорлик бошингни эгиб қўяркан. Гоҳида нокерак харажат қилиб, Бемақсад йўлларда ҳаракат қилиб, Йиғлайсан юрагинг аламга тўлиб, Қарздорлик бошингни эгиб қўяркан. Ечимин топмайин ҳеч муаммоси, Аҳад Қаюм дардинг борми давоси, Оқибатли дўстнинг шуми садоси, Қарздорлик бошингни эгиб қўяркан. Гоҳида энг яқин жигарларинг ҳам, Тоғдек ғурурингни букиб қўяркан. Мадад бўлди дейсан менга оғир дам, Қарздорлик бошингни эгиб қўяркан. Аҳад Қаюм
Присоединяйтесь к ОК, чтобы посмотреть больше фото, видео и найти новых друзей.
Нет комментариев