Предыдущая публикация
Мен Сизни топганман,ўшандай дамлар ~
Сизни топиш кимгадир қисмат солмасин!
Мен кулиб яшайман, токи одамлар,
Ёнимда йўқлигингиз билиб қолмасин!
Жонимдан ўтсада қийнаб Сизсизлик,
Қурбонингиз бўлай деб келса холсизлик,
Мен кулиб яшайман, токи ёлғизлик ,
Ёнимда йўқлигингиз билиб қолмасин!
Пажмурда бўлса ҳам турар бул онда ,
Сиз берган ўша гуллар ҳамон гулдонда.
Мен кулиб яшайман, ҳеч ким ул тонгда ,
Ёнимда йўқлигингиз билиб қолмасин!
Армонга қўймайман ҳеч қандай белгим,
Тилим кесай Сиз ёмон келганда дегим !
Мен кулиб яшайман , кечиккан севгим,
Ёнимда йўқлигингиз билиб қолмасин!
Ёрим деб авайлаб ўнгу сўлим ҳам ,
Сиз билан ўтмоқчи битта умр йўлим ҳам !
Мен кулиб яшайман, токи кўнглим ҳам ,
Ёнимда йўқлигингиз билиб қолмасин!
Мен кулиб яшайман, севган кўнглим ҳам ,
Ёнимда йўқлигингиз билиб қолмасин!
Гулчеҳра
26.06.2020
Следующая публикация
Нет комментариев