Предыдущая публикация
Старшыня Свіслацкага раённага выканаўчага камітэта Аляксандр Вярсоцкі павіншаваў жыхароў Свіслаччыны з Днём Незалежнасці:
– Паважаныя свіслачане, дарагія госці горада! Кожны народ, нават самы маленькі, марыць аб тым, каб быць нанесеным на палітычную карту свету. Нам з вамі пашчасціла. Мы адбыліся як самастойная, суверэнная, незалежная краіна. Гэта стала магчымым перш за ўсё дзякуючы той гераічнай Перамозе нашых з вамі дзядоў і прадзедаў, якую яны адстаялі ў гады Вялікай Айчыннай вайны. Як я ўжо не аднойчы казаў, мы сваімі адносінамі да працы, сваімі вынікамі працы нікому гэтую Перамогу не павінны аддаць, каб не трапіць у залежнасць. Мы, беларусы, – адзіная сям’я. І наша з вамі краіна пад назвай Беларусь – наш агульны дом. Дык давайце рабіць усё, што ад нас залежыць і не залежыць, каб мы былі ў сваім доме свабодныя і шчаслівыя як мага больш. Гэта рабіць, асабліва ў апошні час, вельмі складана. Вы бачыце, якая жудасная, несправядлівая гібрыдная вайна вядзецца ў адносінах да нашай з вамі краіны ў розных накірунках. Мы будзем рабіць усё, каб гэта не мела ніякага выніку. Мы павінны заўсёды быць моцнымі, каб вытрымліваць усе ўдары. Пагрозы з боку недружалюбных краін робяць нас яшчэ больш моцнымі, яшчэ больш аб’ядноўваюць ў адзіную сям’ю. Дарагія сябры! Я вам вельмі ўдзячны, што мы не словамі, а справай умацоўваем нашу незалежнасць. Са святам вас!
Следующая публикация
Нет комментариев