Գիտեմ, սպասում ես.
Հեռվից լսեցի կանչողիդ վանգյունը,
Իսկ ինձ, այդպես էլ չուզեցիր լսել։
Լուրերի ժամն է…
Բարձրացնում եմ ռադիոընդունիչի հնչյունը անդուլ,
Հաղորդավարուհին սառը մեկնությամբ
Խոսում է ինչ-որ փոթորկի մասին,
Ու ասում է, թե՝ զոհեր կան այնտեղ,
Իսկ նա չգտեր, որ երեւի,
Այդ փոթորիկը հենց իմ ներսում էր
Իր մահաբեր խնդուքը կապել,
Ու պար բռնել հոգուս փլատակ շեմքին։
Դարի հրմշտոցն է մեջս կուտակվել,
Մարդ ու սատանա իրար գիրկ առած
Աստվածներին են մեղավոր կարգել։
…հեռվից լսում եմ կանչողիդ ձայնը,
Բայց դու այդպես էլ ընդառաջ չեկար,
Իսկ փոթորիկը ներսս ավերակ-փլատակ սարքեց։
Մի մեծ հրմշտոց տիեզերք բարձրացավ։
Խռովքը մեծ էր,
Եվ փախուստ եղավ
Ինքս՝ ինձանից,
Ինձ՝ քեզանից…
Քեզ՝ ինձանից…
Ու քեզ ինձ հետ տարա անհաս երկինքներ։
Բոթաբեր լուրերն ահա վերջացան…
Երաժշտություն է հնչում միալար…
Դհոլն ու զուռնեն իրար փաթաթվել,
Հարբած խնջուքի
Ժամերն են պարպում
Անզանազան…
Հարբել եմ ուզում,
Կտրվել կյանքի այս աղտ-աղարտից…
Արա Նախշքարյան
18 նոյ. 2022
Присоединяйтесь к ОК, чтобы посмотреть больше фото, видео и найти новых друзей.
Нет комментариев